أهلاْ بكم فى واقعى :)

rss

الخميس، يوليو 15، 2010

من انا؟؟؟؟


السلام عليكم ورحمه الله وبركاته
 كل واحد فينا اوقات بياتى عليه وقت بيحتاج انه يقف ويقول لنفسه
من انا؟.
 من انا بنسبه لنفسه
وهل انا زى مانا!

ومش هنقول حساب لنفسك
 بس على اقل بتعرف انت وصلت لحد فين دين دنيا
 من انت فى دينك ؟
 من انت مع اهلك؟
 من انت فى احلامك؟
 من انت مع صديقك؟
  من انت  مع حبيبك؟
 ومن انت قدام نفسك؟
 ياريت كلواحد يقف مره كل سنه حتى؟
 ويقول من انا؟
 ولس اعنى بكلامى تعقيدها!
 او تكريهك لنفسك؟
 بس ناس كتير بتعيش وتموت والقطر عليها بيفوت ولا عارفه هى فين ولا منين كل الى عرفاه هو الدنيا والمال  وتعديل الحال وعجبى

 عجبى فانا اذ سالت نفسى من انا
 هقول
 انا مع ربى  ا تمنى القرب
 ومع  اهلى اتمنى الرضى
 وفى احلامى  اسمى التحدى
 ومع اصحابى  بحاول اكون موجوده تحت الطلب وقبل الطلب
 ومع حبيبى
 سواء بالحضور او الغياب( فاتمنى العشق الروحى)
  وقدام نفسى  اظن انى كلام منغير نقط
 من انا ؟ مش سؤال صعب بس ممكن نقول مهم
 اجبارى وليس اختيارى
 ممكن يكون اختيارى فى حياتك بس اجبارى عندى انا
يمكن هنا تكون لحظه لاجابه 
من انا؟
 مش عاوزين نسمع اشعار ولا انا .......
وانا.............
 وانا.....................
 عاوزين نسمع كلام من القلب يدخل القلب
 خير الختام الصلاه على رسول الله
 فصلو  عليه افضل الصلاه واتم التسليم

هناك 9 تعليقات:

محمود(باحث عن حب) يقول...

اللهم صلى وسلم وبارك على سيدنا ومولانا محمد وعلى اله وصحبه وسلم

انا مش لاقى كلام اقوله بجد
انا لاشى
فى كل حاجه كان نفسى احققها
انا لاشىء
فى كل حاجه انا قصرت فيها وباندم انى فوتها على نفسى
على رأيك فاتنى القطر
انا
دائما ما اجلس معى واسألها نفس السؤال ولكن
؟
؟؟
ما اجد من اجابه ترضينى عنى انا تعبان منى ولسه بصلحنى
وباتصالح معايا
دى مش اشعار لآ
ده واقع ممكن يكون مر
بس د\ه الوااااقع غاليتى
ممكن انصح الناس واصحابى واهلى يحبون ا ن يستنصحوننى ولكن لا اجد من ينصحنى
انوى ان انجز شىء ما اقصر فيه فيما بعد اندم عفليه لانه بيكون فى معظم الاوقات من الواجبات
عليا
ويأخرنى معلش انا استأذن تلوقتى واستأذنك فى اقتباس الفكر ه فى مدونتى التانيه فيما بعد وحقوق الطبع والنشر محفوظه طبعا لبنت الاسلام
ولما اكتب وانشر المووضوع هكتب ليكى العنوان
كلماتك رائعه تفوق الوصف هدانا الله واياكى الى الخير كله
امضاء
مقصر فى
حق نفسه
وحق ربه

BNT ELISLAM يقول...

اهلا محمود منورنى
انا من كلامك بقولك نصيحه اخت
اقعد مع نفسك وعيد حسباتك وصدقنى النصيحه دى لنفسى
قبل ماتكون ليك

الموضوع تحت امرك واى موضوع ودى حاجه تشرفنى

وهتلاقينى فى وسط التعليقات

كلمات من نور يقول...

صلى الله على محمد ...صلى الله عليه وسلم

وقفه بنحتاجها كلنا مش حاقول كل ليله علشان الناس بتستصعبها قوي بس حاقول كل فترة يا رب الوساده بتاعتكم تكون للعبادة مش بس للنوم ...تحياتي

BNT ELISLAM يقول...

اهلا كلمات
مش ه عتبره هروب من سؤال بس هيتناكى ترجعى وتجوبينا عن سؤلنا من انا؟

شرفنى تواجدك معانا


وهستنا عودت ومش تنسلى ان لسؤال اجبارى

mrmr يقول...

عزيزى بنت الاسلام
انا ح اقول اللى حاساه ومقنتعه بيه وعايشه بيه
الوقفه مع النفس او حساب النفس ده امر اجبارى بالنسبه ليا انا مش عايزه اقول كل قد ايه بس هى كل فترات قربيه لازم الحساب قبل ما يجى يوم الحساب
لازم كل واحد يقدم حساب عن اعماله وافكاره واخطاءه اللى وقع فيها ويحاسب نفسه ويقدم اعتذار لاى شخص غلط فى حقه
فسؤالك على ...
من انت فى دينك ؟ مع محاسبه النفس فانا مع خالقى .
من انت مع اهلك ؟ فصلت الرحم هى الى تحكمنى .
من انت فى احلامك ؟ كل فتره من فترات الزمن وليها احلامها فحاليا احلامى ان اؤدى رسالتى باكمل وجه مع بناتى .
من انت مع صديقك ؟ فانا المرأه التى تشاهد فيها نفسها وانا الظهر اللى ممكن تحتاج ليه عندما تحب ان تستند .
من انت مع حبيبك ؟ انا الحب والحنان والرافه وانا الستر والغطاء انا الدف انا اليد اللى يحتاج اليها عندما يريدها يجدها .
من انت قدام نفسك ؟ انا عبده من عباد الله محتاجه ليد الله تعمل فى حياتى

فهذه انا

بالمناسبه انا كنت باكلم انا وانا بجاوب على اسألتك فهذه ليست شعارات لكن حياتى التى اعيشها

ربنا يفرح قلبك ويبارك حياتك ويسعدك

BNT ELISLAM يقول...

اهلا مرمر
كتير ردك عجبنى
وردك الى وصلنى
نورتى الموضوع يقمر

love_for_ever يقول...

فى دينى اتمنى التقرب من المولى وعدم معصيته مع اهلى اتمنى رضاهم عنى طول حياتى اتمنى مخالفش امر ليهم اتمنى مكونش عصيتهم فى يوم فى احلامى نفسى تحقق احلامى كلها بسعى بكل جهدى انى احققها مع صديقى بسعى انى اكون معاهم عالحلوة والمرة اعيش معاهم الثانيه بالثانيه مبعدش لحظه ولا اغيب عنهم مع حبيبى فانا هو وهو انا فهو نفسى هو حاضرى ومستقلبى فهو قلبى قدام نفسى كالمرايه بحاسب نفسى بعاتبها على كل غلطه

BNT ELISLAM يقول...

اهلا محمود وشكرا على الينكات
وفادتنى جدا
ولثواب ليك باذن الله


شكرا مره اخرى

BNT ELISLAM يقول...

دودى وحشتينى
جدا



هستناكى فى البوست الجديد
وكتير عجبنى تعليقك



ربنا يحققلك كل الى بتحلمى بيه