أهلاْ بكم فى واقعى :)

rss

الأحد، يوليو 11، 2010

هتوصفها ازاى؟؟؟؟

السلام عليكم ورحمه الله وبركاته
   كل واحد فينا بيشوف حياته من وجهه نظره


وممكن يوصف حياته هو وبس
 لكن ميقدرش يوصف حياة غيره
والغريبه انه ممكن يكون له اثره فى حياة الى قدامه
  سواء بالنجاح وبالتدمير

  موضوع انهارده عباره عن سؤال
 مش هقولك اوصف حياتك ولا حيات غيرك
 لاكن هقولك
   ياترى كل انسان شايفها ازاى 
 مستنيه ارائكم بوضوح
 وخير الختام الصلاه والسلام على اشرف خلق الله سيدنا محمد
 عليه افضل الصلوات واتم التسليم

هناك 12 تعليقًا:

mrmr يقول...

يااااااااااااااااااه
سؤالك جاى فجأه بالنسبالى

حياتى ايام قليله بعيشها على الارض
المهم الايام دى ح اعيشها اذاى
لكن لو حبيت اوصفها فهى
شقاء وسعاده
حزن وفرح
ضحك وبكاء
لعب وجد
وفى النهايه سوف تنقضى المهم اكون عايشه فى مخافه ربنا
علشان اوصل الى الهدف السامى اللى بعد الموت
موضوعك كبير ومثير

ربنا يحسن ختامنا ونعيش فى خوف ربنا

محمود(باحث عن حب) يقول...

اولا حمدا لله على سلامتك من اخر موضوع
قلت
بنت الاسلام راحت فين؟؟؟؟؟؟
ثانيا
هوصفها وهقوله
من غير فلسفه ولا تأليف ما احلى الحياه فى ظل طاعه الله
وان الدنيا المرأ الذى يقبض على دينه كالقابض على جمره من نار

الدنيا حلوة جدا لانها نعمه وعلينا استغلالها بالطاعه رغم كل الصعاب اللى فيها لييميز الله الخبيث من الطيب

كلمات من نور يقول...

ياه عالسؤال يا بنوته.....أكيد حاقوله عن كل حاجه حلوة و اوصفله نعم ربنا اللي لو صبر على بلاءه حيشوفها في جنات الرحمن أضعافا مضاعفة ...و أكيد لما حاشوف حاجات وحشة عملها الإنسان بإيده حاقوله احمد ربنا إنك مش شايفها علشان هي أذى ........... جزاكي الله خيرا

ضياء القلب يقول...

هقوله الدنيا وحشه قوى
السواد اللى انت عايش فيه افضل الف مره
ولو علم الله فى ابصارك خير
لجعلك ترى

BNT ELISLAM يقول...

السلام عليكم ورحمه الله وبركاته

تحياتى وسلامى لكل الى نورونى فى موضوعى الموضوع المرادى مينفعش اعلق على التعليقات لانها وصف من وجهه نظر كل انسان
بص اللى ممكن كلنا نعمله الى شليفها غلط ووحش اوى نصلحهاله

زى ضياء القلب كده
صدقنى الحلو موجود بس انا اتعودنا نشوف الوحش
ادعى ربنا يوصلك للكويس وللى الحلوا

ودور على الحلوا متخليش الوحش يغمى عينك عن الكويس

مرمر
وكلمات من نور

ومحمود انا موجوده اهوا الكتابه والمواضيع مش راضيه تسبنى فى حالى

تحياتى للجميع

just waiting يقول...

هقوله زي فيلم صباحو كدب
العمى ارحم بكتير
هقوله الدنيا بقت وحشه قوي قوي ربنا يخرجنا منها على خير

shosho يقول...

السلام عليكم ورحمه الله وبركاته


بصراحه موضوعك جادم جدا

لما أحب أوصف الحياه للأعمى هوصفها بإنها فى الحلو وفيها المر .
الحلو:بنعيشه بس فى طاعه الله ومن غير ما نغصبه.
المر: في ناس بتصبر عليه وناس بتوصل لمرحله من اليأس من رحمه الله وتلجأ الى الإنتحار وحصل فعلا حالات الإنتحار كتير وسمعناها فى برامج كتير على التليفزيون

عايزه اقول كل ما هتكون فى طاعه الله وبتعمل عمل صالح ربنا مش هيضيع جهدك وهيجزيك خير ان شاء الله.
(إن الله لا يضيع أجر من أحسن عملا)

أهــــــــــــــــــم شىء فى حياتنا والله 1:الثقه فى الله
2:الصبر على البلاء
ودول اللى ممكن يكفروافى الآخره عن حاجات كتير انت بتعملها غلط فى الدنيا.

BNT ELISLAM يقول...

اهلا just waiting
واهلا بشوشو
منورينى الموضوع

بنسبه لتعليقى على شوشو
ربنا يكرمك
كتير حلوالتعليق

momken يقول...

هوصفها زى موصفها الى خلقها
انما الحياه الدنيا زينه وتفخار بلاموال والاولاد وما عند الله اكبر


لكن اقولك سؤال اصعب

لو اعترنا ان الشخص الاعمى بيشوف فى الحلم وهو نايم
طيب بيشوف ايه؟
وطالما شايف فى الحلم بيصحى ليه؟


بوست جميل
تحياتى

محمود(باحث عن حب) يقول...

http://www.islamweb.net/ver2/Fatwa/ShowFatwa.php?Option=FatwaId&lang=A&Id=106106
السلام عليكم
اسف لسه شايف
التعليق تلوقتى
متأسف
انا والله بحثت على جوجل لما كتبت الموضوع ومش فاكر اللينكات كلها
علشان كده
انا لقيت اللينك ده لانى اثق فى الموقع ده قوى
ومتأسف جدا للتأخير
فى الرد

LOVE_FOR_EVER يقول...

السلام عليكم.....سؤال جميل اوى ....هقوله حياة غريبه صعبه كله عاوزة حاجه من التانى مصلحه محدش بيخاف على حد بجد محدش بيحب حد بجد صعب تلاقى صديق مخلص او حبيب مخلص زى ما بيقولوا كله بياكل فى بعضه حياة كلها خلافات فى كل بيت فى كل شارع الوحش فيها كتير بس برضو الحلو موجود بس قليل هنتخدع كتير هتحس انك لوحدك مش قادر تحكى همك لحد حتى صاحبك كل واحد فى همه ورغم كل ذلك فيها سعادة مش كلها شقاء وتعب وهموم بس قليل

BNT ELISLAM يقول...

ايه يادودى الغم ده


منوره الاول وحشتينا

دانتى سودتيها للراجل اكتر ماهى

بس برده منورانى