أهلاْ بكم فى واقعى :)

rss

السبت، أكتوبر 30، 2010

تحديث (تلف ياستاذ............ تشيشى يامدام.......... هنريحك ياباشا..................اتفضلى يانسه)

  السلام عليكم ورحمه الله وبركاته
 كنت كتبت الموضوع ده من بدايات التدوين لانى بكره التدخين 
ومازلت اكره ل بيزداد كره لى يوم عن يوم
 وباذن الله حدثته وضفت اليه بعضى اللمسات الخفيفه ولنا تكمله فى موضوع التدخين 
فى حلقات قادمه جديد فى جديد ولكن حبيت ابداء بالاصل
منغير تحفظ وبدون القاب هبدا موضوعى 
النهارده ان جايه ومعايا مبررات هبدا بيها قبل مقول ايه الموضوع 
ونا جايه اصلا اتكلم عن ايه وهنعرف ان انا النهارده جايه ومعايا قنبله تتحرك ببطء وهتنفجر فينا الحمد لله 
هنبداء بالمبررات :وايه يعنى اصلى بروش،دنا بشربها كل فين وفين لما ببقى مع صحابى،
دنا الليله ليلتى دنا العريس مش عوزانى اروش وشرب بقلك دى ليلتى،
ماهوالكل بيلف الكل بيشرب وايه يعنى،ده مش ادمان دى سيجاره مش هيحصل حاجه لما اشرب، 
متقليش انت الصغير انا كبير انا عندى 16 سنه ياعنى كبير منا اخويا بيشرب اهوا وابويا والكل جات عليا،
متقليش انتى بنت دهونفس كل فين وفين عشان ننسى والمود يبقى حلو وفى الذيذ كداخليكى روشه تعالى يالا،
دى شيشه ايه الى هيحصل ياعنى بنضيع وقت وخلاص يابله 
. ايه رايكم فى الكلام والمبررات الجميله دى: ايه رايكم مقنعه صح ولا عندكم اعتراض. سيجاره بنى،سيجاره محشيه،ورق بفره،
يا دماغ حلوه كميا جميله مود لذيذ هلاك فى حياتك موته بشعه او سجن مؤرف. الشباب والبنات بقت موضه وكلنا عرفين مين الى بيشرب
ومين الى مبيشربش انت او هو او انا وهى كلنا فهمين كارثه قنبله هتتفجر فينا كلنا مش الى بيشرب بس 
تعالى \نتكلم بصراحه شويه
هو او انت فكرت تجرب ليه :ايه السبب قولت على السجاير عاده دى مش ادمان 
وقلنا بتتنازل عن صحه وعن مال وعن حب اولاد ودمار بيت
 ليه تلف ليه تنزل من قمتك عيب انت راجل مفكر نفسك هتبقى كدا اكثر رجول
اذا كنت بتشربها عشان متفكرش فى مستقبل او عشان انسحاب من حياتك دى تبقى كارثه
لم تستحق كلمه راجل لم تستحق انك تتحمل مسئوليه واذا كنت بتشرب عشان تتبسط
فانت بتشرب عشان مزاج وبتدفع تمنه من عمرك وحياتك ومن فلوسك ومن صحتك
 واذا كنت عشان تبقى اكثر رجوله فاسمحلى اقولك انك مسطول على طول
 واذا كنت مفكر نفسك كدا انت اكثر رجوله لا ابدا والله ده انت الناس كلها عرفاك وباين عليك
هتخليك كويس فى علاقتك مع المدام وان العيشه هتحلو
والليله هتبقى حمره بالعكس انت بتبقى ضعيف جدا واسئلها مبينك ومبينها كدا
 قلها انا ببقى عامل ازاى ببقى عصبى ببقى كويس متنرفز
انت كفايه عليك انها تعرف انك بتلف ده ضعف مش لاقيه كلمه اعبر بيها اكتر من كدا
واذا كنت شاب تعالى انزل عند الكليات والمدارس وفى الحوارى وفى الافراح
 ازاى تنازل عن شبابك واوعى تقول ده مش ادمان دى تفاريح كدا
 اوعى تقول لانك ساعه لما بتشوف صحبك اللىاول مره جبهالك  
ده هتساله: مش معاك حاجه كدا تحت الحساب مش معاك ونبقى هنشوفك فى مره تانيه
 شوفت وصلك انك تبقى متسول
وشويه شويه هتشتغل وتتعب عشان توفر تمنه
 وممكن تحرم نفسك عشانه عشان ايه تقلق مزجك
 وصلت لايه وعلى فكره الشباب كلهم بيقلوا نفس الحجج لاسرهم
ونفس الاسباب لاما بيشربوا بليل ويرجعوا محدش واخد باله من حاجه
لاما يشرب ويسهر بره والاستاذ ماشى دايما بالقطره ليه عشان ميتعرفش من عينه الى دايما حمره
 ماهو اصله حشاش لف وخد نفس ،
وطبعا اول مبيصحى من النوم مبيفكرش فى حاجه غيرها والاهل عارف
 ويقلك ماهى فتره ميعرفش انه بيسرق اهم مرحله فى حياته بينسرق عمره
وشبابه خلاص كده هتبقى راجل خلاص شربت وعملت الى انت عاوزه
  
ولا الكارثه الكبرى البنات : الموضه دلوقتى البنت الشيك البنت المودرن انها تشيش بنت تشيش
(اللهم ماسترنا احنا واولادنا وارحمنا يارب) 
الموضه تشيشى ياقموره النفس حلو تفاح ولا ساده
لا ازاى عشان تعجب الولد الصايع وانا قاصده انى الغى كلمه راجل
لانه الولد ميعرفش بنت غير كدا الا اذا كان حشاش مدمن زيوا زيها قصدك انى مدمنه: ااااااه اقصد انك مدمنه النهارده شربتيها ساده بكره بالتفاح بعده بصمتيها بالحشيش 
ودفعتى بقشيش للصبى الى هناك وهو هيظبطك عشان تتمنظرى 
 عاوزه اضيف شىء الشباب بتهزر  عليه فوائد التدخبن
  هو ليه فوائد
 هرد واقولك هما سابوا حاجه مقولهاش
 حتى كمان التدخين قلبوا هزار
. يالهى فى اى شرع ولا فى اى دين ولا يهوديه ولا مسيحيه ولا اسلام سمح انك كراجل تنازل عن عمر وحياه وشباب ودين ازاى ،
ازاى انك تنازلى عن انوثتك وتشبهى بيهم زاى ،
ازاى كقهوه او نادى محترم تسمح بالحشيش بس لما تاخد بقشيش محترم انا مبعملش كدا مع اى حد ازاى ازاى، 
كمنزل واسره بتربى ومدرسه بتعلم تسيبوا الامر يوصل لكدا ازاى ازاى،
أى قنون طفل عنده 13 سنه يمشى فى الحاره ويشرب فين الامن حتى الفرح مبقاش فرح ده غرزه والله الغرزه ارحم ف
ين الشرطه ومش هرمى كل حاجه على الشرطه احنا فين لاما اسيب ابنى وبنتى بيشربوا ومتتكلمش
 وتقول مايمكن الاب بيشرب وابنه تعلم منه
هقلك ماشى غلطت الام لانها خافت لحسن تهدم بيت
 وهو اصلا مابنى غلط فى حاجه اسمها طلاق
لما تجوزى واحد بيشرب متستنيش اهربى وارحمى اولادك
معنديش
كلام تانى اقوله غير انى بقول لو اخوك او اختك ابوك او امك عارف مكان حد
بلغ ماتسكتش خده ووديه يتعالج ولوكان شرب لمده اسبوع بس متستناش لحد لما ينهار لو بتحبه متسكتش عليه وانت خد بالك من بنتك او ابنك وخلى بالك من تصرفاتهم والام تاخد بالها من ابنها وبنتهاوانتى لو مخطوبه لواحد كدا متستنيش وتقلى بكره هيبطل متبنيش بيتك على غلط لانه هو اصلا مش فايق عشان يربى او يشتغل
انت كأب خلى بالك من اصحاب ابنك
وانت لو مصاحب حد بيشرب لو بتحبه عالجه مقدرتش ابعد انت عنه بتبدا بالصحبه والله ياجماعه.
القنبله حلها الوحيد ان احنا نبعدها حفاظا علينا احنا واو لادنا
وبالاكمل بتاسف انى سمعتكم كلام مش لذيذ 
والاسلوب مش جميل بس هو ده كلامهم ومهمتنا نعرض الحقيقه ووتاسف اذا كنت سترت شىء من الحقيقه 
 بس هى دى الحقيقه انتظروا باقى اللمسات حول التدخين بشكل منطقى وعقلى فى انتظار  تعليقاتكم وانتقادتكم
والاختلاف فى وجهه النظر لايفسد للو د قضيه الا قضيه التدخين  
 صلوا على الحبيب المصطفى 
.

هناك 5 تعليقات:

richardCatheart يقول...

صباح الفل

حلو الكلام بس ليه كل ما ادخل على موضوع مكتوب عن المخدرات او التدخين الاقيه كله نصايح كنت الاول بفرح الحقيقيه بس بعد كلامى مع الناس اكتشفت ان المدخن او المتعاطى مابيفكرش فى الكلام دا خلاص اكتشفت ان كل المعلومات دى عنده واكتر منها مليون مره

ومش بس كده لالالا دا قادر كويس قوى يستوعب مش زى ما الافلام والنكت بتطلعهم عنيهم مقفله وبؤهم مفتوح

تعرفى انا عندى حوار مع مواحد متعاطى حشيش عملته ولما روحت كتبته بس للاسف ماعنديش قدره انشره
بس الحياه عندهم غير الكلام دا خالص

طيب دا بعد اختفاء الحشيش النصيبه الاكبر انتشار البرشام فى اوساط الشباب ل 100% وهنا الكارثه لاشيشه ولا بيشه
والبرشام مش محتاج حد مدخن اساسا

ربنا يستر وتحياتى على البوست

Dr/ walaa salah يقول...

بصراحه انا بكره بردوا التدخين وبكره اشوف اي حد بيدخن خصوصا الشيشه

لكن ما يثير اشمئزازي اني اشوف بنات بتشرب سجاير او شيشه

والله شئ مقزز اوي

فين النعومه والرقه

مفيش عندي غير اني ادعو ان ربنا يعافيهم من التدخين


مشكوره يا حبيبتي على مواضيعك المميزه

كلمات من نور يقول...

ربي يعافينا من هذا السوء المسمى التدخين و يعافي أمتنا من هذه الفتن والهرج في غير مواضعه ......تعرفي يا لمسة ؟ أنا بازعل عالمدخن السلبي أكتر من المدخن ....علشان ذنبي إيه أنا أتظلم و أمرض بسببك ؟؟؟؟؟؟؟؟؟؟؟

الله المستعان

كلمات من نور يقول...

واللي بيفرسني بقى اكتر الطبيب المدخن

خاصة لو طبيب قلب وينصح مرضاه بالتقليل وتوقف التدخين وجنبه علبة سجاير ....مش ممكن الإستفزاز داه

eng_semsem يقول...

التدخين عند ناس اصبح عاده وسعرها رخيص يعني اتعود يشرب مع الشاي سيجاره
بس قصة بنت تشيش او تشرب سيجاره بتخرج من انوثتها خالص وياريت الكل يبطل رجاله وبنات