إلى اين؟

 

الى  اين  سنذهب؟
كل يوم نستقيظ ونفعل مانفعله كل يوم نرجع ننام لنستقيظ؟
بدون اى جديد الاقلما؟
ولكن  وقفنى سؤال الى اين ساذهب؟ 
اين انا  من حياتى ومعاشى ؟

 عند سؤالنا لانفسنا ل ناكل لكى نعيش ام نعيش لكى ناكل  بنجاوب تلقائى بناكل عشان نعيش؟

 ولكن حالنا هنا ينطبق عليه غير هذا نهائى ماراه من طحن  يقع فيه المواطن واسباب هذا طحن؟ تجلنى اوكد بعد تفكير وبدون رد تلقائى ان الاناسان بيعيش لكى ياكل!
كل اب وكل ام  مطحونين فىالحياه لكى يوفرمايحتاجه الاولاد
والشاب مطحون لكى يوفر لنفسه والشابه عندها ملل واذا كانت فى شغل ففى مايخرجها من الملل الى روتين العادى!
 الله انعم علينا فى اليوم 24 ساعه لايمكن يكون 24 ساعه شغل!
لكن ممكن نقول نص اليوم شغل وهناك اقل من هذا 7 او 8 او 9 ساعات
 وبنام 6 او 7 ساعات؟
عاوزه اسال اين باقى اليوم؟

 من تربى اطفال ساعه واتنين وواجب ومذاكره حتى الطفل
 باقى اليوم  لماذا لم  بنحدده؟

الاسبوع فيه سبع ايام ولوكل يوم حددنا ساعتين نقسم  فيهم اننا هنخرج  على حدود الورتين
احدى الايام نزهه احدى الايام زياره اهل احدى الايام زياره اقارب
احدى الايام  تسوق
احدى الايام مع الاصدقاء

احدى الايام نذهب لدار ايتام
احدى الايام نتجمع عائليا وندعم الحب والامان حتى ولو لمده ساعه او اتنين
اعلم كما تعلمون جيدا ان يوجد من يتزوج ويبعد عن اهله والمتزوجه لاتزور اهلها الا كل حين وحين واحيانا فى المناسبات والحجه هى  الوقت والانشغال اليوم فى 24 ساعه لو نظمناهم هنعمل خير كتير من غير ادارك ولا قصد
هقوم بزياره اهلى باستمرار, هدعم صله الرحم, زيارد دار ايتام يوم محدد فى الاسبوع, نزهه الاطفال والخروج عن الروتين والمذاكره والواجب, الالتقاء بالاصدقاء   وندعم العلاقه ونزيل من جفاء بداخلنا اليهم

 درس نحضره , ندوه نلاحقها

من خلا ل دراسات واحصائيات ان اكثر المشاكل التى تحدث بسبب الروتين المعتاد

 حتى بين الاصدقاء غيروا فى اماكن اتجمع فى اسلوب الكلام
 فى الشغل غير وفكر ازاى تخرج عن الورتين هتجد حيتاتك بطعم مختلف
انت ايضا اخرج عن حدود روتينك
 غير فى الاسوء منك واجعله افضل

فكر فى حياتك واختار اعمالك وافعالك كما تحب
ولم تترك الفرصه فى الروتين ان يتحكم فى حياتك!

 الكسل اسوء مايمكن!
النشاط حياه
والحياه ايام واليوم الى بيفوت
لم يعد مره اخرى

 احسابها صح هتعيشها وتسمتع بكل مافيها صح!
 مجرد دعوه للخروج عن حدود الروتين
تحياتى  لكم
صلوا على الحبيب محمد

عليه افضل الصلاه والسلام

انت............. ماذا تعلمت؟

السلام عليكم ورحمه الله وبركاته

  كل منا  منذ ان ولد وهو يعيش ويتعايش

 ويؤثر ويتاثر   فى مابينه من اشخاص او  طبيعه او تعامل

 وياكل ويشرب ويقوم باحتياجات الاساسيه ومنا من تعلم ومنا من لا يتعلم ومنا من تعلم وهو لايعلم شىء ومنا ومن لا يتعلم ويعرف  بعض الشىء

 ومنا يعلم ويتعلم

  فهذه حياتنا نكتبها او نوصفها او نحلم بها نحققهها ننساها او نتناساها

  او  نذكرها او نتذكرها

ولكن.............................

 هناك وقفات فى حياتنا ولابد ان نقف عندها فالحياه هى التى تعلمنا

فالعلم الحقيقى هو الخبره والتجربه والممارسه  

وهذا مايؤكده العلماء ولكن فى التعاملات بين الناس

 فالعلم الحقيقى ان اتعلم من كل درس تعطهونى الحياه

 وكل انسان يترجم هذا العلم على تفكيره

فمنهم من يدمر حياته من مواقف يائسه لعدم تعلمه الموقف كماهو 

ومنه من هو يبنى حياه جديده على اصغر درس تعطيى الحياه

واليوم حببت ان اجمع بعض الصور  لفتت انتباهى عن 

 علم الحياه

 نشاهد ونتعلم وننقد معا

    هل هذا يعنى الوحده والبعد؟

هل التضحيه من اجل الاسعاد الاخرين تكون هكذا؟

 هل يعنى استسلام؟ ام هروب؟ام مبرر لارضاء الكبرياء؟

وجهه نظر  تحترم ؟؟؟؟؟؟

 درس اخر؟؟؟؟

 حقا يخفف كثيرا فى الحال؟ ويهلك فى الامام؟

 وهناك ايجابيات بعض الشىء

بعد عرض طويل لبعض الصور

 وبعض الكلمات

 ولكن ماتاكد منه منه وماتعلمته جيدا ان فى كل يوم علم جديد وفى كل سوم تعطينا الحياه درس وانذار جديد

ولكن هنا من يتعلم ويلمح هذا وهناك من على قلبه الغشاوة

ولكن مادركته جيدا ان يجب مايتعلمه الشخص يعلمه للغير 

 لذلك لا انتهى هنا  قبل ان اسال

ماذا  علمتك الحياه؟

 فانت ...... ماذا تعلمت؟

 لاتنسوا

حروف باكيه

 لاتنسوا الصلاه على نبى

 لكم تحياتى وفائق احترامى

ياترى له علاقه..............................؟

 السلاموا عليكم

  وبعد التحيه

ومن الاخر ياعنى

 انا جايه ومعايا موضوع مهم جدا

  مسمعتش حد سالنى موضوع ايه؟

 انا هقولكم

هقول اهو

  اوقات بيبقى فىمشاعر 

هو مش اوقات هو على طول فى

مشاعر ياعنى بس اوقات

بتحس باختلاط المشاعر اوى

وخاصه لما بتبقى بتحب شخص اوى سواء من اهلك من اصحابك  حبيبك/حبيبتك

فى احساس غير الحب بيبقى ملازم ليه او ممكن الحب يخفيه

او يقويه

 هو ده بقى الى انا عاوزه اعرفوا منكم

ياترى 

هيبقى موجود اصلا

ولا هيقوى

ولا هيخفى

اها نسيت هو انا مقولتش هو ايه الاحساس التانى

  من غير ضرب

 الاحساس هو 

الخوف

  هو اللى بيحب عمره يخاف؟؟؟؟؟؟؟؟؟؟؟؟؟؟؟؟

 علاقه الحب بالخوف

 وقبل مانجاوب كل واحد يخلى قلبوا يجاوب وعقله

الموضوع مفتوح للنقاش

فى انتظار تعلقاتكم ومناقشتكم

 هسيبكم لصلاه على نبى

 عليه افضل الصلاه والسلام

مجرد حديث عقل!!!!!!

 السلام عليكم ورحمه الله وبركاته

 تتوالى الاحداث وتدهور وتطور

واشياء غريبه تحدث خارج وداخل آدميه الانسان

 لو تكلمنا على منطق  كل انسان وله مملكه هو بيدرها وبينظمها وبيرتبها  والمملكه دى هى حياته بالمعنى الاصح هو رئيس مملكه نفسه  وقبل مابيكون رئيس مملكه نفسه بيكون والده او المسئول عنه متولى الرئاسه قبل مايسلمها له عند نضجه  وتاكده انه اصبح انسان يقدر على تحمل الاعباء والمسؤليات

الغريبه اكتر ان الانسان رغم انه رئيس حياته ومملكه نفسه انه مش عارف يديرها واوقات كتيره   الظروف بتتحكم فى حياته وبيصبح رئيس سلبى 

 يصبح غير قادر على فهم الاشياء 
مثل ماشعر الان ان حياتى ومستقبلى كله واقف على ظروف بلد باكملها 

مثل ماينتبنى خوف شديد جعلنى اشعر ان حياتى ملك غيرى  وتسلب ارادتى منى غصب عن رغم تمسكى وعندى بها

 فهل هذه الديمقراطيه ان يتحكم الغير فى حياتى 

 ا م ان الدميقراطيه ان تتوقف احلامى للحظات 

والظروف التى تحيط من حولى تجبرنى ان اغير تفكير 
او لمجرد انى افكر ان اغير احلامى  
وابداء باحلام تتكيف مع الواقع كما يطلب صوت العقل

 صوت العقل بيقول اشياء كتير يردد ويردد ويعلو صوته حتى تاكد انه تم عمل الضوضاء التى كان يتعمد ان يؤثر على بها

 كنت تحدثت  من فترات وفى احدى المقالات ان محدش فاهم حاجه

 بس من اجل ماكان يحدث من خراب وصمت وخوف وعلو صوت الظلم 

ام الان 

ايضا محدش فاهم حاجه حتى بعد رجوع الكرامه والعزه 
واحداث تغير وبعض من الامل الذى اجبر الجميع ان ينحنى له والزم الجميع ان يرتب ويعيد النظر فى احلامه وتدبير  اموره

 وبصراحه اكتر لم اعلم لماذا كتبت هذا او ماذا اقصد منه؟

 فهو مجرد حديث عقل بصوت عالى !

  واخير احب ان اختم حديثى بصلاه والسلام على اشرف خلق الله سدنا محمد عليه افصل الصلاه والسلام          
                               مجرد انسانه لها الحق ان تفكر من وجهه نظرها

كما يجب ان يكون....................

السلام عليكم ورحمه الله وبركاته

 معى موضوع  مش جديد ومش غريب

المره دى اللمسه قريبه اوى منك ومنها ومنه ومنى

اللمسه باينه من العنوان كما يجب ان يكون

هو مين الى هيكون ومين الى هيقول هو هيكون ولا لاء

 وليه هيكون ومن امتى هيكون

وياترى ايه الواجب الى هيكون منه ومنها ومنى

  كتير بنشوف امر قدامنا ولم ينل اعجابنا واول كلمه بنقول المفروض يكون كذا................

 اشمعنى بقى شوفت المفروض للى بره ونت لم ترى  نفسك

  هى دى لمستى  كما يجب ان يكون لو شايف ان ليك حق على غيرك  سؤالى انا بقى

فين حق على نفسك؟

 ياترى المفروض بتاعك ايه

ياترى سالت نفسك فى يوم انافعلا كما يجب ان اكون مع ربنا حتى لو بحاول وبجاهد مع نفسى ان اقرب يارب منك

هل انت كما يجب ان تكون مع والدك مع والدتك مع اهلك هى دى الطريقه الى المفروض تكون احسن طريقه واقصى ماعندك عشان تعامل احسن واقرب الناس ليك

هل انت كما يجب ان تكون لاصدقاءك ومعهم هل انت  صاحب بجد ولا اى كلام وقت مايحتاجك صاحبك هتكون موجود ولا  هتهرب وتقول انا وبس

 هل انت كما يجب انت تكون مع اخواتكاشقائك  حبيت لاخيك مثل ماحبيت لنفسك

هل انت كما يجب ان تكون مع حبيبك

هل انت يجب ان تكون مع زوجك او زوجتك

هل انت يجب ان تكون مع نفسك مع روحك  مع قلبك

ياترى من وجهه نظرك  ماهو الحد الواقعى لكى تجب كما تكون؟

 ووهنا لمستى   انتهت

 للامانه  فكره الموضوع كانت من جمله لدكتور فى محاضره

اما باقى الموضوع  من بنت الاسلام بالكامل حتى طريقه والمضمون

 فى انتظارك ويارب تكون اللمسه عجبتكم

اوعى حد ينسى يصلى على احسن خلق الله 
سيد الخلق محمد عليه افضل الصلاه والسلام

 

رساله فى لمسه

السلام عليكم ورحمه الله وبركاته

 احبائى  فى الله واخوانى واخواتى والكلام ده كله

  اللمسه انهارده غريبه شويه من وجهة نظرى
ولكن هى فى الغالب متداوله بين ايدينا وكتير منا اتكلم عنها

 وهى عباره عن فكهى ونقاش جاد من وجهة نظرى  ماينطبق على المثل 
هم يبكى وهم يضحك

 هذاهو شر البليه مايضحك

 ونتفرج على الصوره دى وارجعلكوا مره تانيه

  يترى لحظتوا اللى انا  شوفته ولا ايه

  مش بقولك هم يضحك

   ده طفل  بيحسابها ازاى

 تفتكروا ممكن يوصل لو بيحسبها كده

 هل لك ان تتخيل ممكن طفلمثل هذا يكون عالم او طبيب او مخترع؟

   بنسبه لى الطفل ده بيمثل من وجهه نظرى شاب فى بدايه الخامسه عشر  من عمره بداء يدرك الحياه والمسئوليه

 وكيفييه حساب الخطوات وما له وماعليه

 استغرب كثيرا عندما القى  شباب بتحسبها كده

وتقولك ياعم احنا لسه قدامنا ميت سنه والظروف والبلد

 اذا مكنتش عاوز تعيش حياتك صح وتبديها من الاول  

عاوز توصل للاخر ازاى فى حد بيوصل لنهايه الطريق او يبدتى من نهايه 

 اذ مكنتش هتتعب وتتعلم 
وتتعب لما تكون نفسك 
وتكون شخصيتك وتبنى حياتك بايدك  فى سن شبابك

 اما نلاقى طفل يقول يااااه كل دى سنوات تعليم  
ويقضى التعليم  تقضيه واجب 
مستنى من لطفل ده حياه شكلها عامل ازاى؟ 

 قضى سنين تعليم كل امله انه يخلص

 عشان يطلع يشتغل يجيب فلوس

باى طريقه

 وكمان ده اذا لقى الشغل

والحمدلله  اكتر الشباب اليومين دول عاوزه تقعد على مكاتب

 والشاى والقهوه توصله وهو باشا

 اى تفكير و واى منطق يوصل لهذا؟

واكيد سؤالى لماذا؟

 لماذا وصلنا لهذا؟

 وهنفضل كده  كتير ؟ وهيوصلنا لايه لو فضلنا كده؟

 لمستى انتهت

 بس للاسف لسه كلام لم ينتهى  عندى عبارات تدور فى خيالى 

 احب اوجها لنفسى امامكم

   تفكير مظبوط هوصل للحال احسن

 هفكر فى خطوه خطوه هوصل صح وهحقق الللى انا عاوزاه

لو فكرت فى كل حاجه مره واحده يوم ماهقع مش هقع خطوه خطوه 

هقع كل مره واحده

 ليس معنى انى افشل فى خطوه انى لم انجح 

لا قررت داخل نفسى اننى عندما افشل فى خطوه

اتحدى وابداءها من تانى لكى اصل لان الفشل ليس احسن منى للانتصار علي

  كيانى وذاتى وحبى وارادتى وكل ما بدخلى وكل مااملك من وجدان
ينادى  لكى اتغلب على اى تفكير سىء يحطم احلامى 

 لا لالالالالا سافكر بالمنطق ووقوانين العقل

لم احسب كل شىء بل احسب شىء شىء

 لم اترك المجال لك يافشل وياهزيمه للانتصارعلي

ولم اعلق اخطائى وعدم قدرتى على الوصول على غيرى وعلى طروفى 

فاذا اردت ان انجح فاتوكل 
نعم اعقلها واتوكل

 طولت عليكم

 ولكن.................................

 هذا هو ماشعر بى ويارب تكون لمستى ظهرت ورسالتىوضحت

 اكيد اكيد هنتجمع ونقول اللهم صلى وسلم على سيد الخلق محمد عليه افضل الصلاه والسلام

جزاء ........................ يفوق التضحيه

 السلام عليكم ورحمه الله وبركاته

 احبائى فى الله

 هسيبكم مع الموضوع الاول

 وبعدان ارجعلكم

 ضحى بعينه من اجل ان تكن هى عينه

 ضحى بنظره لانه لم يحب ان يرى غيرها

 فقد اغلى نعمه وقبل ان يترك ملذات ومابرى من ملذات لكى تحبه وترضى عنه

ولكن ماذا حدث

 قالت له  انت كفيف وحلمى انا اتزوج من يرى وترى معه الدنيا

 ممكن حد يبقى كده؟ سوء اختيار ؟

 ولا عدم ثبات وعدم احساس بالمشاعر؟

ولا حب النفس الزائد؟

 ما السبب الذى يجعلالانسان يزداد قسوه وجفى بمن يحبه ؟

 اسئله كتير بدور داخلى يمكن لانى اعشق الحب والمعامله الحسنه

 ويمكن لانى اتاثرت بالقصه الى فى الصوه حتى لو لم تكن حقيقه فهى قاسيه

 تحياتى فى انتظاركم

 هتتترككم لصلاه على الحبيب المصطفى

تحديث (تلف ياستاذ............ تشيشى يامدام.......... هنريحك ياباشا..................اتفضلى يانسه)

  السلام عليكم ورحمه الله وبركاته

 كنت كتبت الموضوع ده من بدايات التدوين لانى بكره التدخين 

ومازلت اكره ل بيزداد كره لى يوم عن يوم

 وباذن الله حدثته وضفت اليه بعضى اللمسات الخفيفه ولنا تكمله فى موضوع التدخين 

فى حلقات قادمه جديد فى جديد ولكن حبيت ابداء بالاصل

منغير تحفظ وبدون القاب هبدا موضوعى 

النهارده ان جايه ومعايا مبررات هبدا بيها قبل مقول ايه الموضوع 

ونا جايه اصلا اتكلم عن ايه وهنعرف ان انا النهارده جايه ومعايا قنبله تتحرك ببطء وهتنفجر فينا الحمد لله 

هنبداء بالمبررات :وايه يعنى اصلى بروش،دنا بشربها كل فين وفين لما ببقى مع صحابى،

دنا الليله ليلتى دنا العريس مش عوزانى اروش وشرب بقلك دى ليلتى،

ماهوالكل بيلف الكل بيشرب وايه يعنى،ده مش ادمان دى سيجاره مش هيحصل حاجه لما اشرب، 

متقليش انت الصغير انا كبير انا عندى 16 سنه ياعنى كبير منا اخويا بيشرب اهوا وابويا والكل جات عليا،

متقليش انتى بنت دهونفس كل فين وفين عشان ننسى والمود يبقى حلو وفى الذيذ كداخليكى روشه تعالى يالا،

دى شيشه ايه الى هيحصل ياعنى بنضيع وقت وخلاص يابله 

. ايه رايكم فى الكلام والمبررات الجميله دى: ايه رايكم مقنعه صح ولا عندكم اعتراض. سيجاره بنى،سيجاره محشيه،ورق بفره،

يا دماغ حلوه كميا جميله مود لذيذ هلاك فى حياتك موته بشعه او سجن مؤرف. الشباب والبنات بقت موضه وكلنا عرفين مين الى بيشرب

ومين الى مبيشربش انت او هو او انا وهى كلنا فهمين كارثه قنبله هتتفجر فينا كلنا مش الى بيشرب بس 

تعالى \نتكلم بصراحه شويه

هو او انت فكرت تجرب ليه :ايه السبب قولت على السجاير عاده دى مش ادمان 

وقلنا بتتنازل عن صحه وعن مال وعن حب اولاد ودمار بيت

 ليه تلف ليه تنزل من قمتك عيب انت راجل مفكر نفسك هتبقى كدا اكثر رجول

اذا كنت بتشربها عشان متفكرش فى مستقبل او عشان انسحاب من حياتك دى تبقى كارثه

لم تستحق كلمه راجل لم تستحق انك تتحمل مسئوليه واذا كنت بتشرب عشان تتبسط

فانت بتشرب عشان مزاج وبتدفع تمنه من عمرك وحياتك ومن فلوسك ومن صحتك

 واذا كنت عشان تبقى اكثر رجوله فاسمحلى اقولك انك مسطول على طول

 واذا كنت مفكر نفسك كدا انت اكثر رجوله لا ابدا والله ده انت الناس كلها عرفاك وباين عليك

هتخليك كويس فى علاقتك مع المدام وان العيشه هتحلو

والليله هتبقى حمره بالعكس انت بتبقى ضعيف جدا واسئلها مبينك ومبينها كدا

 قلها انا ببقى عامل ازاى ببقى عصبى ببقى كويس متنرفز

انت كفايه عليك انها تعرف انك بتلف ده ضعف مش لاقيه كلمه اعبر بيها اكتر من كدا

واذا كنت شاب تعالى انزل عند الكليات والمدارس وفى الحوارى وفى الافراح

 ازاى تنازل عن شبابك واوعى تقول ده مش ادمان دى تفاريح كدا

 اوعى تقول لانك ساعه لما بتشوف صحبك اللىاول مره جبهالك  

ده هتساله: مش معاك حاجه كدا تحت الحساب مش معاك ونبقى هنشوفك فى مره تانيه

 شوفت وصلك انك تبقى متسول

وشويه شويه هتشتغل وتتعب عشان توفر تمنه

 وممكن تحرم نفسك عشانه عشان ايه تقلق مزجك

 وصلت لايه وعلى فكره الشباب كلهم بيقلوا نفس الحجج لاسرهم

ونفس الاسباب لاما بيشربوا بليل ويرجعوا محدش واخد باله من حاجه

لاما يشرب ويسهر بره والاستاذ ماشى دايما بالقطره ليه عشان ميتعرفش من عينه الى دايما حمره

 ماهو اصله حشاش لف وخد نفس ،

وطبعا اول مبيصحى من النوم مبيفكرش فى حاجه غيرها والاهل عارف

 ويقلك ماهى فتره ميعرفش انه بيسرق اهم مرحله فى حياته بينسرق عمره

وشبابه خلاص كده هتبقى راجل خلاص شربت وعملت الى انت عاوزه

  

ولا الكارثه الكبرى البنات : الموضه دلوقتى البنت الشيك البنت المودرن انها تشيش بنت تشيش

(اللهم ماسترنا احنا واولادنا وارحمنا يارب) 

الموضه تشيشى ياقموره النفس حلو تفاح ولا ساده

لا ازاى عشان تعجب الولد الصايع وانا قاصده انى الغى كلمه راجل

لانه الولد ميعرفش بنت غير كدا الا اذا كان حشاش مدمن زيوا زيها قصدك انى مدمنه: ااااااه اقصد انك مدمنه النهارده شربتيها ساده بكره بالتفاح بعده بصمتيها بالحشيش 

ودفعتى بقشيش للصبى الى هناك وهو هيظبطك عشان تتمنظرى 

 عاوزه اضيف شىء الشباب بتهزر  عليه فوائد التدخبن

  هو ليه فوائد

 هرد واقولك هما سابوا حاجه مقولهاش

 حتى كمان التدخين قلبوا هزار

. يالهى فى اى شرع ولا فى اى دين ولا يهوديه ولا مسيحيه ولا اسلام سمح انك كراجل تنازل عن عمر وحياه وشباب ودين ازاى ،

ازاى انك تنازلى عن انوثتك وتشبهى بيهم زاى ،

ازاى كقهوه او نادى محترم تسمح بالحشيش بس لما تاخد بقشيش محترم انا مبعملش كدا مع اى حد ازاى ازاى، 

كمنزل واسره بتربى ومدرسه بتعلم تسيبوا الامر يوصل لكدا ازاى ازاى،

أى قنون طفل عنده 13 سنه يمشى فى الحاره ويشرب فين الامن حتى الفرح مبقاش فرح ده غرزه والله الغرزه ارحم ف

ين الشرطه ومش هرمى كل حاجه على الشرطه احنا فين لاما اسيب ابنى وبنتى بيشربوا ومتتكلمش

 وتقول مايمكن الاب بيشرب وابنه تعلم منه

هقلك ماشى غلطت الام لانها خافت لحسن تهدم بيت

 وهو اصلا مابنى غلط فى حاجه اسمها طلاق

لما تجوزى واحد بيشرب متستنيش اهربى وارحمى اولادك

معنديش

كلام تانى اقوله غير انى بقول لو اخوك او اختك ابوك او امك عارف مكان حد

بلغ ماتسكتش خده ووديه يتعالج ولوكان شرب لمده اسبوع بس متستناش لحد لما ينهار لو بتحبه متسكتش عليه وانت خد بالك من بنتك او ابنك وخلى بالك من تصرفاتهم والام تاخد بالها من ابنها وبنتهاوانتى لو مخطوبه لواحد كدا متستنيش وتقلى بكره هيبطل متبنيش بيتك على غلط لانه هو اصلا مش فايق عشان يربى او يشتغل

انت كأب خلى بالك من اصحاب ابنك

وانت لو مصاحب حد بيشرب لو بتحبه عالجه مقدرتش ابعد انت عنه بتبدا بالصحبه والله ياجماعه.

القنبله حلها الوحيد ان احنا نبعدها حفاظا علينا احنا واو لادنا

وبالاكمل بتاسف انى سمعتكم كلام مش لذيذ 

والاسلوب مش جميل بس هو ده كلامهم ومهمتنا نعرض الحقيقه ووتاسف اذا كنت سترت شىء من الحقيقه 

 بس هى دى الحقيقه انتظروا باقى اللمسات حول التدخين بشكل منطقى وعقلى فى انتظار  تعليقاتكم وانتقادتكم

والاختلاف فى وجهه النظر لايفسد للو د قضيه الا قضيه التدخين  

 صلوا على الحبيب المصطفى 

.