أهلاْ بكم فى واقعى :)

rss

الخميس، ديسمبر 10، 2009

اين هو الحبيب........



السلام عليكم ورحمه الله وبركاته
انهارده موضوعى نوعيه اخرى من الحياااه
وهو استمتاع البشر اللى بتحاول تجرح
انا اليوم هسالكم وهستنا اجابتكم؟
هما فعلا بيبقوا سعداء لما تجرح شخص بجد وتبقى عارف ومتاكد انه اخلص فى الحب؟
شعورهم بيبقى ايه لما يكدب على الشخص اللى بيحبه هو اللى بيحب بيعرف يكدب! اللى بيحب يفكر يخون! لاقى ناس بتحب وبتستغل الى بتحبه تحت بنود غريبه والمبرر انها بتحبه؛ الى بيحب يبحاول هو وحبيبه يبقى كيان واحد؛اللى بيحب والله ياجماعه مابعرف يكدب على اللى بيحبه ولو الاسباب والمبررات ايه؛الحب ياعنى ثقه ياعنى دفىء ياعنى امان بتعطيه لحد ومستنيه من حد يعنى تقكير مع بعض؛ياعنى شخص واحد بس بروحين حتى لو المسافات بعيده بتحس انهم قلبين فى قلب واحد بيخاف يكدب عليه لحسن الطرف تانى يزعل منه ويخاف يقسى لحسن يبداء قلبه يجمد لاكن لما ويرسم معاه احلامه وامانيه ووهو عمال يخطط ويكدب ؟ بتبقى فرحه فعلا انه انتصر انتصر وجرحه بتبقى فرحى لما يشوف حبيبه هو السكينه اللى بتقطع فى قلبه بتبقى فرحه لما يشوف حصاده كدب وخياته قتلت اللى قدامه
بس انتصر على مين على اللى حبه على اللى اخلص فى الحب ده؟
هو عمل ايه وايه هى اسلحته؟ الكدب،الخيانه، الوعود والكلام ، الثقه اللى بياخدها ومبيبقاش ادها
هو ده حب ولا استغلال فى الحب
لما يقول انه بيعشق وفجاءه يطلع كداب ويشوف اللى بيحبه ينزف امامه هل ده استمتاع
طيب بيحسوا بذنب عندهم مشاعر اصلا

ولما اى شخص فيهم يقعد يوهم ويحب و ويعيش الطرف تانى فى مملكه هو بس الملك بتاعها وفجاءه لما يفوقوا يلاقوا نفسهم على الارض او تحت الارض
فين الحب ومنين كنت سالت مره زمان
من اين الحب ولمن الحب وهل هو حب مشروع؟ بس وقتها مسمعتش رد
هستنى ردودكم ووتحكولى فضفضه عن الحب وعن عذابه وهل العذاب غريزه مرتبطه بالحب؟ وهل اصلا البشر اللى بتجرح دى بتعرف تحب؟
وها صحيح اللى بينجرح اوى بيكون بيحب اوى؟
يارب المرادى مكونش طولت عليكم
السلام عليكم ورحمه الله وبركاته

هناك 20 تعليقًا:

غير معرف يقول...

اول واحده هعلق
انا حبيت بس انظلمت
او انجرحت بس اللى يوجع انه كان عارف انه هيجى يوم ويجرح ياعنى استمرار فى الحب وعارف النهايه انه هيجرح وهيقتل الى بحبه ومعاه السلا الى هيقتل بيه وهقول كمان ان اللى بحب مبيعرفش يكره وناحاولت بس معرفتش

enta_hayaty يقول...

بسم الله الرحمن الرحيم ....السلام عليكم ورحمه الله وبركاته..احب اشكر صديقتى على هذا الموضوع المناسب لهذا الزمن الحب اجمل شئ ربنا خلقهبين عباده ومش لازم يكون بين الحبيب والحبيبه بين الاصحاب والاقارب والاخوةوعالفكرة اللى بيحب بجد ومخلص فى حبه عمره مابيفكر يكدب على حبيبه او يفكر حتى يخونه وبيكون صادق فى كل كلمه بتخرج من قلبه قبل لسانه والحب نوعين حب حقيقى وحب استغلال بمعنى اصح حب تسليه والمشكله ان الطرف الاخر مش بيبقى عارف ان حبيبه بيتسلى بيه وبيصدقه وبيخلصله وبعد كده يكتشف حقيقته وبيبقى جرح صعب اوى مستحيل ينساه اما الحب الحقيقى بيبقى الاتنين حاجه واحده قلب واحد روح واحده بيخافوا على بعض مستحيل حد فيهم مابيفكر يخدع التانى او يكدب عليه ولو مانتهاش حبهم للزواج وانفصلوا عن بعض ودى بتبقى نصيب مبيحولوش يؤذوا بعض لان اللى بيحب بجد بيضحى فى سبيل راحه حبيبه(لو كل عاشق فى الهوى اختار نصيبه ماكنش عاشق ياهوى فراق حبيبه)لان الحب اللى بيعيش بيتولد بكلمه بين الاتنين وعمره مابينتهى بكلمه ....لكن اللى بيحاول يجرح حبيبه ده معندوش قلب ولا فكر يحب لانه لو فكر يحب مش هيفكر يجرح وفى النهايه هختم كلامى ببعض العبارات ...اذا قررت ان تترك حبيبا او صديقا فلا تترك له جرحا فمن اعطانا قلبا لايستحق منا ان نغرس فيه سهما او نترك له لحظه تشقيه ما اجمل ان تبقى فى روحكما لحظات الزمن الجميل فان فرقت بينكما الايام فلا تتذكر لمن تحب غير كل احساس صادق فقد اعطاك قلبا واعطيته عمراواذا سالوك يوما عن من احببته فلا تحاول تشويه صورته لفراقه لك لان الحب الصادق ليست مشاعر واحاسيس ولكن افعال صادقه تجاه من تحب

BNT ELISLAM يقول...

الى انت حياتى جميل اوى
وبصراحه فى المضمون
انتظرك دائما تشرفينى

جارح وغصب عنى يقول...

تانى تعليق بس اولا احب اضيف معلومة لغير معروف اولا الى حبك مضحكش عليك ولا كدب ولو كدب قال انو كدب بس مكدبش فى حبك مكدبش لشوقو ليكى مقلش كلمة بعشقك ببلاش .
تعرف يا غير معروف ان انا كمان حبيت بس انا بديت حبى غلط بس كانت فى ظروف اقوى منى وشرحت الظروف وقلت ان قلبى وحياتى ودنيتى كلها ليها وحاجة كمان انها اطهر انسانة عرفتها فى حاياتى اجمل مخلوق على وجة الارض دة فى نظرى .
تعرف يا غير مقبول انا مكنتش بعرف احب اتعلمت الحب على اديها حسيت بالمان بنظرتى فى عنيها كنت بمشى فى الشارع ادور على عنيها المحها بس
انا ظلمتها وجرحتها وكسرتها بس انا جوايا بركان غضب بس الغضب دة مش منها منى انا ومكسور ومخنوق بسبب غبائى بس والله غصب عنى غلطان عشان اخترت وحبيت غلطان عشان عشقت وحسيت .
لو كل عاشق فى الهوا اختار نصيبو مكنش عاشق فارق حبيبو

BNT ELISLAM يقول...

الى جارح وغصب عنى
اهلا بيك فى لمسه
بس انت عارف مش هوده برضوا الحب
الحب فعل ياستاذ جارح الحب احساس بيتلمس بالفعل لو انت كنت عارف انك هتجرح مكنتش حبيت كان كافى عليك احساسك بس لو عودت تانى ابقى جاوبنى هو بمانك جرحت الجارح ده انانى عاش حبه هو وبس وومن يجرح منغير قصد طيب ازاى وهو عارف انه هيجى يوم ويجرح
واهلا بيك فى لمسه مره تانيه
استاذ جارح
شكرا لانك جرحت واعترفت

every thing dies يقول...

اولا انا اول مره اشارك معاكى
وصدقينى مواضيعك كلها جامده جدااااااا ومثيره للجدل والنقاش
اسمحيلى اضيف وجهه نظرى بموضوعك اللى بجد لفت انتباهى
الحب مفهوم فى منتهى الرقه والجمال بس البشر سورى انى قلت بشر اقصدالذئاب البشريه هى اللى لوثته وجعلته من ابشع المفاهيم فى حياتنا كتير منا بيخاف يقرب من الحب ليه لانه دايما بيشوف اللى بينجرحوا فى الحب وعمرهم مابيشوفوا اللى عايشين اجمل قصه حب ليه لان النسبه دايما بتكون واحد بالميه

ياااااااااااه قد ايه صعب ان الغدر يجى من الحبيب اللى هو اعز واغلى شخص فى حياتك يمكن سعات بيبقى اغلى عندك من نفسك ودايما بيبقى الحافز اللى بيساعد على ان الواحد يعدى اى شئ صعب فى حياته بس اعرفى ان دايما سكينه الغدر بتيجى من اقرب الاقربين لينا

عارفه انى طولت امممممم بس دى وجهه نظرى وفى الاخر بتمنالك كل السعاده والتوفيق من قلبى والله
منتظره جديك

BNT ELISLAM يقول...

جميل جدا ياevery thing dies يا سكاكين مش سكينا بتيجى من اقرب الاقربين لينا
بس عاوزه اضيف انه فى سااعت بنحباوى وبننجرح اوى وفى ساعات بتبقى متوقع ان حبيبك يغدر بيك
ياااااااااه ربنا يقوى الى بيعيشوا الاحساس ده بجد الى بيحب او الى منتظر حبيبه ويجى يغدر او يخون او يظلم بس زى ماقلتى وجهه نظر يارب دايما منورانى واهلا بيكى معايا ويارب تكون مدونتى

HAMSET ETAB يقول...

ما أقوي الحب فهو يجعلمن الوحشانسانا وحينا يجعل من الانسان وحشا....

في البدايه احب احيكي علي موضوعك ولكنه مؤلم ويحتاج مواساهبس لاني عارفه ان الانسان القوي والشخصيه القويه بتكون اقوي من اي ظروف انتي فاهمه طبعا...موضوعك ده فكرني بتجربه كانت قاسيه اوي متختلفش عن موضوعك او بالظبط هي موضوعك حبيت واخلصت واديت من غير حدود وكان المقابل غدر وخيانه وكدب وغش وخداع وكمان هديه علي كل ده الم ووجيعه وندم علي كل يوم من عمري مر وانا معاه ومعرفتوش علي حقيقته بس زي مابيقولو الضربه اللي مبتموتش بتقوي وكمان ربنا قالعسي ان تكرهوا شيئا وهو خيرا لكم وعسي ان تحبوا شيئا وهو شرا لكم وكمان مقتنعين ان كل شيء قسمه ونصيب وان ربنا بيعوض الواحد علي قد نيته وبجد وعن تجربه والله ربنا عوضني بحاجتين اولهم استرديت كرامتي اللي ضاعت علي ايده يوم مرجعلي ورفضته ويوم محسيت بالندم في عنيه بس منين تيجي الثقه بعد حب 3سنين واكتشف انه غدار متهيقلي صعب...
الحاجه التانيه ربنا عوضني باللي يحبني ويصونلي كرامتي ولاقيت فيه كل اللي ضاع من عمري وكنت موهومه اني عايشاه بس الحمد الصبر مفتاح الفرج وانا صبرت ونولت الفكره ايه من الكلام ده كله
ان اللي انجرح دايما يعرف ان حقه محفوظ ومهما طال الزمن بينا مسير الحي يتلاقي والوجوه تتلاقي وكما تدين تدان وربنا مش بينسي حد يعني لانعيط علي حد ميستاهلش لان دموعنا دي غاليه ولانندم علي حبنا لاننا مش احنا اللي خسرنا اللي جرح هو الخسران وفيوم هيعرف قيمة اللي عمله والجرح هيتردله اضعاف دي انا واثقه منها لانها عن تجربه ونصيحه لكل من انجرح متضعفش لكن اقوي من اللي حصل ومتحرمش نفسك ولا تضيع طاقة الحب اللي جواك بس ده متوقف علي حسن الاختيار اتعلم من جرحك عشان متنجرحش تاني استفيد من جرح غيرك واتعلم وعاوزه اقول طول مانت لسه صغير طول مانت هتتعلم اكتر واكتر وهتقع بس مسيرك هتقف تاني لحد متوصل المشوار لسه طويل الاهم نكمله صح...
اسفه علي التطويل بس حبيت اقول اللي فقلبي يارب اكون فدت حد او ريحت حد...
تمنياتي لكي بالتوفيق ودوام الحب بينا والي الامام دائما


همســـــــــ عتاب ــــــــة

المحبة لله يقول...

اولا الحمد لله على اللى يجيبة ربنا وبجد الموضوع جميل اوى يا لمسة وتعليق همسة عتاب جميل اوى وانا حسة انة هيفيد ناس كتير وانا معاها فى كل كلمة بس انا عايزة اقول حاجة بس مش عايزة حد يزعل منى ممكن يكون اللى بيجرح بيبقة غصب عنة فى ناس كتير بتجرح غصب عنها صدقونى بس مش معنى كدةانهم بكدة ميكنوش جرحو لا بيبقو جرحو اوى وجرح الحبيب بيجرح اوى اوى بس انا مش ببرر للى بيجرح بس بقول اللى فى ناس مش بيكون قصدهاانا عارفة ان كلامى دة ممكن يزعل حد منى بس انا قولت مش عايزة حد يزعل منى وبقول الى جارح وغصب عنة مادام انت عارف انك بادىء حبك غلط كملتة لية وتجرح انسانة حبتك واخلصتلك ووثقت فيك لية وبعدان بشرحت الظروف مش يمكن شرحتها متأخركان المفروض تبدا حبك صح لان الحب اللى بيبدأ غلط مش بيكمل لان الغلط مش بيجيب غير الغلط واللى يحب يحب بجد ويحب صح مش غلطويجى يقول غصب عنى على قد ما انا بقول ان سعات بيبقة الجرح غصب عن الواحد بس ميكنش بادىء حبة بغلط انا اسفة مش تزعل منى واسفة كمان على انى طولت بس والله يا جماعة الحب دة اجمل شى فى الدنيا من غيرة متبقاش دنيا لان ربنا خلقنا بنحب بعض وبقول الى لمسة ربنا يوفقك ودايما تكونى قوية

enta_hayaty يقول...

انا بس حبيت ارد على همسه عتاب لان ردها عجبنى اوى فعلا الضربه اللى مش بتموت بتقوى وياريت كل اللى انجرح ميزعلش ولا يندم على اللى راح من حياته على حب ميستهلش لان ده مكتوب ولازم هيشوفه وده نصيب من ربنا وعالفكرة اللى اتظلم حقه عند ربنا وكما تدين تدان بس انا نفسى اسال سؤال وياريت حد يجاوبنى عليه ليه اللى بيحب بجد بينجرح من حبيبه وليه حبهم مش بيكمل وليه اللى عاوز يجرح بيحب

BNT ELISLAM يقول...

السلام عليكم ورحمه الله وبركاته
اولا انا سعيده بالتفاعل الجميل ده
والكل منورنى اذا كان اول مره او من اسره لمسه معنا بجد شرفتونى وردود فعاله ونبدا نناقش واحده واحده منها
ااولى همسه عتاب كلام جميل اوى وانا واحده من ناس الى مقتنعه بيه كويس اوى بس صدقينى وعن تجربه اللى بيبقى بيبص من بعيد غير اللى عاش التجربه وحاسه وفعلا الضربه اللى بتيجى مبتوتش لا بتقوى ونا ده حسيته ولمسته فى حجات كتير اذا كان فى خيانه اصحاب او حب لواحد فى كل حاجه اى ضربه مش بتموت لا بتخلى القلب يجمد اكتر من الاول
شرفتينى لهمسه تابعينى وربنا يزيد المحبه اللى مبينى وبينك
ثانيا المحبه لله
بجد نورتينى ودايما يستناكى
كلامك حلو اوى
وبيريح اوى اما اسالتك لاستاذ جرح وغصب عنى كلنا مستنينه يمن هو اللى يرجع ويرد يمكن يفهمنا ياعنى ايه كان بادىء حبه غلط وان الحب لازم يبدتى صح عشان يكمل
ثالثا انت حياتى انتى انهارده منورانى وعوزاكى كدا منورانى اما سؤالك لليه الى بيحب بيتجرح لان اللى حبه مقدرش الحب ده وان اللى بيحب اوى لازم ينجرح اوى وان الحب كان قوى عشان كدا الالم جه اقوى من اى شىء
كلكم منورنى ولسه عند كلامنا الموضوع مفتوح للنقاش اسعدتونى الشويه دول
السلام عليكم ورحمه الله وبركاته

enta_hayaty يقول...

بصى يا بنت الاسلام الحبيب ممكن يتعوض لكن الصديق مش بيتعوض واما تنجرحى من اعز صديقه لكى بتبقى صعبه لانى جربت الاحساس ده ومكنتش صديقه دى كانت قربتى وكانت اكتر من اختى وانا مجربتش جرح الحبيب بس من الكلام اللى بسمعه بحكم اللى بيحب مش بيبقى متوقع جرح من حبيبه او مستنى منه حاجه وحشه بالعكس بيبقى مستنى منه حاجات جميله عشان كده اما بيجرح بتبقى صعبه اوى بس مع مرور الوقت بيتنسى وبيبقى مجرد ذكرى فى حياة اللى انظلم ويارب بالتوفيق دايما اللى الامام والى الاحسن

غير معرف يقول...

السلام عليكم
جزاكم الله خيرا على الموضوع

طبعا اللى بيحب بجد حد ميكدبش عليه
وازاى توصل انه يقصد يخدعه ويجرحه
ايه الشر ده

وبعدين اذا كان اللى بيحب حد يحب له السعاده حتى ولو كانت السعاده دي مع حد تاني
يعنى لوافترضنا حد بيحب حد واتمنى انه يتجوزه لكن الطرف التاني شايف السعاده مع حد تاني مع كامل الاحترام للى حبه
فطبيعى انه يتمنى له السعاده مع الحد التاني من كل قلبه

ازاى يبقى بعد ده كله يبقى فيه حد بيحب حد ويكون بيقصد يجرحه

وعشان كده اللى بيحب حد يحاول يفكر بعقله شويه هل ده يستحق ولا لأ
ويدعى ربنا يعرفه الصح فين

ربنا يكرمك ويوفقك دايما

mhmdwahab يقول...

السلام عليكم شكرا يا بنت الاسلام على مرورك الكريم لى تعليق قريب من تعليق الاستاذ محمود من كلامك اقدر اقول انة كان حب من طرف واحد لذلك استطاع الطرف الاخر ان يستغل حب الطرف الاول المحب لتحقيق اكبر المكاسب. جميل ان نحب ولكن يجب ان ننظر الى من نحب بنظرة واقعية هل يتبادل معنا نفس المشاعر ام لا و لنا ان نقرر اما التوقف او الاستمرار وتحمل النتيجة و العواقب مثل ان نستمر فى الحب والعطاء بدون مقابل و هو اصعب انواع الحب كالنهر معطاء دائما بدون مقابل منا

mhmdwahab يقول...

http://mhmdwahab.blogspot.com

BNT ELISLAM يقول...

السلام عليكم ورحمه الله وبركاته
الى الاستاذ محمد فوزى
انا سعيد جدا لمرورك وشكرا كتير لرايك ويارب تكون مدونتى نالت اعجابك

BNT ELISLAM يقول...

السلام عليكم ورحمه الله وبركاته
الى
mhmdwahab منورنى وجودك ويارب دايما معانا وكلامك كتير اعجبنى
تحياتى وتقديرى لك

mhmdwahab يقول...

( إلا تنصروه فقد نصره الله إذ أخرجه الذين كفروا ثاني اثنين إذ هما في الغار إذ يقول لصاحبه لا تحزن إن الله معنا فأنزل الله سكينته عليه وأيده بجنود لم تروها وجعل كلمة الذين كفروا السفلى وكلمة الله هي العليا والله عزيز حكيم ( 40 ) ) . كل عام وانتم بخير و جميع المسلمين

!!--EeKaa--!! يقول...

تانى تعليق لنفس الشخص الى حبيتو وجرحتو ولسة بحبو
بحبك لحد اخر يوم فى عمرى وهثبت وهتتأكدى وقريب هتعرفى انى جرحت وكدبت بس مخنتش كدبت عشان حبيتك انا عارف ان الكلام دة كلو لية ونا لما قريت الكلام دة اول مرة مخى وعقلى وقف عن التفكير
عن التبرير بس مش معنى انى برر انى ببقة بكذب انا بشرح موقف انا اتحطيت فية ولو اى حد عاش الموقف هيعرف وهيحس بالى انا حسيتو وكان هيعمل نفس الى عملتو عشان ميحرمش نفسو من الحب الى هو اتمناة طول حياتة مش معنى كدة انى انانى مش مشعنة كدة انى غشاش بس انتى عارفة الموضوع كلو وفهمتى بس حقك انى مش تثقى ولا تقدرى عشان انا جرحتك وجرحت نفسى قبلك ما جرحك وحرمتك وحرمت نفسى من حب من اجمل حب من احلى ححب عرفتو حياتى وعشتو وحسيتو بس والله والله والله يامين اتحاسب علية امام ربى انى ما حبيت غيرك ولا هعرف احب
غيرك (اعطف حبيبى وتكلم )

BNT ELISLAM يقول...

استاذ !!--EeKaa--!!
نورتنى
بس صدقنى انا مش عارفه ارد اقول ايه
ربنا يقدرك واتمنى انك تثبت