أهلاْ بكم فى واقعى :)

rss

السبت، نوفمبر 06، 2010

رساله فى لمسه

السلام عليكم ورحمه الله وبركاته
 احبائى  فى الله واخوانى واخواتى والكلام ده كله
  اللمسه انهارده غريبه شويه من وجهة نظرى
ولكن هى فى الغالب متداوله بين ايدينا وكتير منا اتكلم عنها
 وهى عباره عن فكهى ونقاش جاد من وجهة نظرى  ماينطبق على المثل 
هم يبكى وهم يضحك
 هذاهو شر البليه مايضحك

 ونتفرج على الصوره دى وارجعلكوا مره تانيه

  يترى لحظتوا اللى انا  شوفته ولا ايه
  مش بقولك هم يضحك
   ده طفل  بيحسابها ازاى
 تفتكروا ممكن يوصل لو بيحسبها كده
 هل لك ان تتخيل ممكن طفلمثل هذا يكون عالم او طبيب او مخترع؟
   بنسبه لى الطفل ده بيمثل من وجهه نظرى شاب فى بدايه الخامسه عشر  من عمره بداء يدرك الحياه والمسئوليه
 وكيفييه حساب الخطوات وما له وماعليه
 استغرب كثيرا عندما القى  شباب بتحسبها كده
وتقولك ياعم احنا لسه قدامنا ميت سنه والظروف والبلد
 اذا مكنتش عاوز تعيش حياتك صح وتبديها من الاول  
عاوز توصل للاخر ازاى فى حد بيوصل لنهايه الطريق او يبدتى من نهايه 
 اذ مكنتش هتتعب وتتعلم 
وتتعب لما تكون نفسك 
وتكون شخصيتك وتبنى حياتك بايدك  فى سن شبابك
 اما نلاقى طفل يقول يااااه كل دى سنوات تعليم  
ويقضى التعليم  تقضيه واجب 
مستنى من لطفل ده حياه شكلها عامل ازاى؟ 
 قضى سنين تعليم كل امله انه يخلص
 عشان يطلع يشتغل يجيب فلوس
باى طريقه
 وكمان ده اذا لقى الشغل
والحمدلله  اكتر الشباب اليومين دول عاوزه تقعد على مكاتب
 والشاى والقهوه توصله وهو باشا

 اى تفكير و واى منطق يوصل لهذا؟
واكيد سؤالى لماذا؟
 لماذا وصلنا لهذا؟
 وهنفضل كده  كتير ؟ وهيوصلنا لايه لو فضلنا كده؟
 لمستى انتهت
 بس للاسف لسه كلام لم ينتهى  عندى عبارات تدور فى خيالى 
 احب اوجها لنفسى امامكم
   تفكير مظبوط هوصل للحال احسن
 هفكر فى خطوه خطوه هوصل صح وهحقق الللى انا عاوزاه
لو فكرت فى كل حاجه مره واحده يوم ماهقع مش هقع خطوه خطوه 
هقع كل مره واحده
 ليس معنى انى افشل فى خطوه انى لم انجح 
لا قررت داخل نفسى اننى عندما افشل فى خطوه
اتحدى وابداءها من تانى لكى اصل لان الفشل ليس احسن منى للانتصار علي
  كيانى وذاتى وحبى وارادتى وكل ما بدخلى وكل مااملك من وجدان
ينادى  لكى اتغلب على اى تفكير سىء يحطم احلامى 
 لا لالالالالا سافكر بالمنطق ووقوانين العقل
لم احسب كل شىء بل احسب شىء شىء
 لم اترك المجال لك يافشل وياهزيمه للانتصارعلي
ولم اعلق اخطائى وعدم قدرتى على الوصول على غيرى وعلى طروفى 
فاذا اردت ان انجح فاتوكل 
نعم اعقلها واتوكل

 طولت عليكم
 ولكن.................................
 هذا هو ماشعر بى ويارب تكون لمستى ظهرت ورسالتىوضحت

 اكيد اكيد هنتجمع ونقول اللهم صلى وسلم على سيد الخلق محمد عليه افضل الصلاه والسلام







هناك 20 تعليقًا:

كلمات من نور يقول...

هي لمسة في رسالة أيضل يا أحلى لمسة


ربي يكرمك ويوفقك دايما ولا تعرفي لليأس ولا الفشل طريق أبدا

محمود(باحث عن حب) يقول...

قولك الشباب بالشكل ده مش هيتجوز
: خالص
: غير لما باباه يساعده
: ومش هيساعده

: غير لما يكون باباه: غنى والغنى
: حاجه من اتنين
: اما غنى ورث اب عن جد
واما غنى سريع
: من الفساد المنتشر فى البلد
: اما ابناء الطبقه المتوسطه
: او اللى تحت المتوسطه
: بالشكل ده
: مش هيشتغل ولا هيتجوز
: علشان اصلا باباه عاوزاللى يصرف
: عليه
: مش يصرف هو على جوازة ابنه
y: لاما نلجاء الى الجواز على ورق سلفان
: العرفى
ونتوه بقه فى المولود الجديد
: ده ابن مين ويتكتب باسم مين
: زى كده مشكله احمد القشياوى
: وبنته اللى خلفها من جواز عرفى وتنكر ليها
: وامها اثبتت نسبها

: يبقى
: ايه الحل
: العفاف
: هو الحل
: والرهبانيه
: هى الحل
: رغم ان لا رهبانيه فى الاسلام
: بس هينتشر التحرش
: وابناء الشوارع
والبلطجه
ومش هبقى
فيه امان
: ويظهر بدل سفاح
: نساء
: واحد يبقى
الف
ومنه لله اللى قاعد فوق الكرسى
السبب فى الى احنا فيه احنا السبب فيه
مش حد غيرنا
ان الله لا يغير ما بقوم حتى يغيروا ما بانفسهم

الحب الجميل يقول...

ربنا يوفق الجميع
والكل يتابع ويخطط لحياته بالشكل الصحيح والأفضل
ويحقق اى شىء يتمناه
ياعالم يمكن يحصل تغير بين يوم ولليله
لمسه واقعيه عيشنها
لمسه جميله
دمتى بخير حبيبتى

mrmr يقول...

بالطموح والتخطيط للمستقبل
ح يقدر الشاب يوصل
المهم انه يجاهد ويحط هدف قدامه يسعى اليه
وربنا يوفق الجميع
لمسه جميله وواقعيه

Noha Saleh يقول...

الفشل ده حاجة وحشة اوى
ياريت كلنا نكون ناجحين وربنا يقدرنا ونحقق احلامنا
ويبعد عننا الفشل
لمسة جميلة فى رسالة هادفة

richardCatheart يقول...

هانفضل البلد الوحيده اللى ازمه التعليم فيها سبب كل البلاوى

ربنا يتوب عليا يارب

اللهم صلى وسلم وبارك على سيدنا محمد وال بيته وصحبه اجمعين ليوم الدين

همســـــــــــــ عتاب ـــــــــــــــة يقول...

موضوعك مميز وجميل
بس للاسف هو حقيقة كل الشباب دلوقت او معظمهم لكن مفيش حاجه مستحيله بالتحدي والاراده هيوصل ميبصش بالطريقه اللي تخليه يتعقد لو بسط الامور علي نفسه وحاوليحط له هدف محدد
وركز فيه اكيد هيوصل للي هو عاوزه
تحياتي ،،،

Dr/ walaa salah يقول...

حبيبتي ده نوع من الشباب السطحي

اللي عايز كل حاجه على الجاهز

مش عايز بتعب عشان يوصل لحاجه

ده اخرته ماما اللي هتصرف عليه

مشكوره حبيبتي على اللمسه الجميله

BNT ELISLAM يقول...

الى كلمات من نور
شكرا لمرورك
وياب لكى بمثل هذا الدعاء ويكون من نصيبك واكتر شويه

BNT ELISLAM يقول...

الى محمود باحث عن حب
كلامك فعلا حقيقى
وياريت الكل يفهم
دمت بخير
وربنا يفرح
قلبك

BNT ELISLAM يقول...

الى الحب لجميل
وحشتينى كتير
واسفه لتاخير علىالمتابعه او الردود
منورانى يارب دايما

BNT ELISLAM يقول...

اهلا مرمر
وحشانى والله
وفعلا لما الانسان بيحط هدق هدف قدمه
بيسعى اليه
تعليقك كتير عجبنى


نورتى ياقمر

BNT ELISLAM يقول...

استاذه نها
أمين يارب الكل ينجه
ويوصل لاهدافه وطموحاته

منورانى

BNT ELISLAM يقول...

richardCatheart
منورنى
وعندك حق التعليم عندنا تحت الصفر بمراحل
وحاجات كتير بايظه بقله التعليم

دام التواصل بيننا

BNT ELISLAM يقول...

الى همسه عتاب
عندك حق بالتحدى والعزيمه والنجاح هيوصل
شكرا على تعليقك المنطقى كتير عجبنى

BNT ELISLAM يقول...

الى الدكتور ولاء صلاح
منورانىوالله
وفعلا ده اخرته
ماما الى هتصرف عليه
مشعاوزه اقولحاجات تانيه كمان
ربنا يهدى ويوفق الجميع

دمتى بخير

ساسو يقول...

ربنا يقدر كل واحد
ويوفقه لتحقيق حلمه
ويهديه للطريق الصح

اجمل لمسه بجد
من اجمل بنوته

BNT ELISLAM يقول...

الى ساسو
منوره
والله
ربنا يخليكى
ودوم التواصل بينا

momken يقول...

يجب ان نتحرش جميعا بلامل
ويجب ان يكون التخطيط والامانى ممكنه التحقيق

اتمنى ان يحقق الجميع ما يسعده

لمستك وهمستك رائعه

دمتى منتهى الابداع


تحياتى

BNT ELISLAM يقول...

الى ممكن شكرا لمرورك وكتير رايك اسعدنى