أهلاْ بكم فى واقعى :)

rss

الجمعة، مايو 07، 2010

الحكومه تتهم الشعب بالفقر!


السلام عليكم ورحمه الله وبركاته

  فى صباح اليوم كنت اتصفح بالصدفه جريده المساء ليوم5فى شهر مايو
 قرات عنوان غريب هو الفقر 20%

 وملخص مايندرج تحت العنوان هو ان رئيس الوزراء يقول ان مصر الفقر بها لايتعدى 20% وانها هناك دول الفقر فيها يتعدى
70%
 بصراحه ياجماعه انا قرأت الخبر  وانصدمت دى تهمه بيتهموا الشعب انه مش فقير
 انا عاوزاسال بس ؤمال الزمن الموجودين فيه والاحداث اللى بنشوفها دى ايه

ؤمال اللى شعب فيه ده ايه؟
 لما ده مش فقر يبقى ايه؟ الناس بتدعى على الدوله انها فقيره

  الحروب اللى فى الشوارع على رغيف العيش  والضرب بين الناس على الرغيف يبقى 

 المنظر على طوابين العيش يبقى ايه    

 ايه الموجوده فى الصوره دى ؟
حرب العيش ده وان فى ناس مش بتاخد العيش الى يعيشها يوم او  يكفي عددد افراد الاسره
 هذا ليس بفقر ادعاء على البلد اننا الشعب الفقير؟
  الطلاب اللى قاعدين فى فصل اكتر من 56 طالب فى وسط جو الامراض اللى موجود
 لما البلد فيها فلوس فين المدارس
 فين شغل الشباب
 الشباب ده واقف على نواصى بيعمل ايه؟ 
 هو اللى رافض يشتغل قعد يتعلم اكتر من16 او 17 سنه مراحل التعليم الطبيعى وفى النهايه مفيش مكافئه له ان اتعلم

 عاوزه اسال الاعتصمات  الى بقت بتظهر كل يوم دى ليه  حتى الاكل بقى له اعتصام خاص

 الاكل اللى ناس رافضه تاكل عشان غالى ده غنى ولا فقر ولا طمع من ناس انهم نفسهم يتحفق اقل حق ليهم فى البلد يتوفر اكل

  لما يكون بلد تملك بحريين الاحمر والمتوسط ونهر النيل وفروعه ونستورد سمك؟!
 فين بقى موارد البلد ولعارفين نستخدم موارد بشريه ولا بئيه
 هذا فقر ولاغنى

 لما يبقى فى اطفال فى الشوارعوتأكل من القمامه وبقايا الاكل ولما تهرب من بيوتها عشان معملةأب ليها  راجع من شغله مخنوق لم يملك ما يتوافر له لكى يطعم اولاده  بيخاف يقوم من النوم ابنه يطلب طلب منه ومايقدر يلبيه
واليكم صور من الشارع المصرى
 وليس كلام فقط







  كل الصور دى واكثر منها نشاهده كل يوم السبب فى ايه
من كتر الرفاهيه حبوا يجربوا الذل والشارع ولا ايه؟
  من كتر الاكل الكويس اتمنوا ياكلوا من الشارع ومن بواقى الزباله 
رئيس الوزراء بيقول  الفقر لايتعدى 20%
   هرد انا واقول عندنا  اطفال موجوده فى الشارع من غير اهل ولا اسره ولا نسب  عددها ونسبتها تعدى  ال20%
 بل لا ينتمون اصلا للفقر هما تحت خط الفقر بمراحل وكلمه الفقر تبراء منهم

 والجرائم التى تحدث فلان اختلس من شغله
 فلان ارتشى 
 فلان باع ضميره
  لو مفيش فقر هيفكر يعمل كده؟

 والمستشفيات والى بيحصل فيها المستشفى الحكومى الى  المريض بيبقى داخله عارف انه مقدم استماره6
 ومش طالع منها تانىللحياه
  المرضى مش معها تجيب ثمن دواء لاولادها او لنفسها
  العقول اللى موجوده ومش عارفين نستثمرها صح ده مش فقر واقفنا الاختراعات والابتكارات وبطل نحلم عشان نموت
 ده ايه فقر ولا غنى
لما الشاب حتى مش قادر يحلم انه هيتجوز  ولا هيقدر  يحقق امله اذ وجد شغل لم يجد شقه واذا وجدها علم انه  سوف يطردمنها وانه مهدد بالخروج منها فى اى وقت
 حتى الطفل والطالب بطل يحلم لحسن يموت

 كل ده ومفيش فقر وهذه نماذج لاتذكر عن الحقيقه
انا عاوزاقول وبكل صراحه مصر اصبحت طبقتين طبقه فقيره 
 وطبقه تحت خط الفقر
 ممكن اصدق النسبه التى اطلقها رئيس الوزراء بأن الفقر20% وانه يقصد ان  هذه نسبه الفقر ونسبه  تحت الفقر 70%
 وهناك10% لا ينتمون الى الشعب
  كمما قرات انه يقول كيف هناك فقر وهناك اهالى بتدفع فى مدراس خاصه 
وتعليم خاص
 وجامعات خاص ومستشفيات خاصه 
انا هرد واقول ان االرئيس الوزراء عينه’ لم تقع إلا على المستوى الذى يعيش هوفيه فقط ولم تقع على الباقى فى المستوى الاخر الذى يعيش فيه فى هذا المستوى جامعات خاصه ومدراس خاصه ومستشفيات
الذين هم يمثلو10%  كام اريد ان اذكر لما يكون إدعاء الحكومه ان تعليم مجانى وهو تقريبا يقرب مصاريفه من مصاريف التعليم الخاص يبقى الافضل للاب ان يعلم ابنه فى مدرسه خاصه
 لها منهج ولها نظام ولها اسلوب وحكم وضبط

 وفى نهايه اقول لاتعليق لدي لما قاله رئيس الوزراء
 غير لو نزل الشارع المصرى وليست الحاره المصريه هيتأكد 
إن مصر من اغنى دول العالم
 وعجبى
 لو كنت فى شهر ابريل كنت اطلقت ان هذه كذبه ابريل
 

   بقلم:                      
 مواطنه لها الحق ان تتكلم!



هناك 11 تعليقًا:

مجرد انسان يقول...

مش قادر اقول غير اننا بجد محتاجين للتغيير
محتاجين حد جديد يكون حاسس بالشعب ويكون حاسس بالطبقات الفقيره قبل الطبقات الغنيه
لو كلنا فى صوت واحد ونقول كفايه اكيد هيحصل التغيير اللى عايزينه
بس للاسف احنا ممكن نعارض ونقول لا
بس برضه هيجيلنا رئيس مش عايزينه واكيد احنا عارفينه
عموما تحياتى ليكى على الكلام الواقعى ده

جنّي يقول...

السلام عليكم

بالطبع هم من افقروا الشعب بسرقة موارده وامواله لصالح النخبة الحاكمة على مر العصور ..

تحيتي

mrmr يقول...

مرحبا
الصوره دى كتير بنشوفها مش جديده
حقيقى احنا فى احتياج للتغيير لكن التغيير مش بالسهوله دى
مصر خيرها كتير لكن خيرها ده بيروح فين ؟؟؟؟؟؟؟؟؟؟؟؟؟؟؟
ربنا يدخل ويرحم شعبه
احنا حقيقى فى مجاعه محدش حاسس بيها
وياريت الكل يساهم ويقدر يساعد بقدر الامكان والكوب المليان يصب على الفاضى
تحياتى

همســــــــ عتاب ـــــــــــــــة يقول...

قيقي مش لاقيه كلام ارد بيه علي الموضوع ده بس احنا وصلنا لكد ازاي ومين المسئول عن اللي وصلنا فيه؟
طيب لما احنا من نظر الحكومه مش فقراء امال لما نكون اغنياء هيبقي شكلنا ايه؟
متهيقلي هننقرض باه احسن ولا علي ايه مكل شاب بيتخرج من جامعه بيهرب من البلد دي اصلها غنيه او وهو نفسه يكون فقير تصوروا

اسال الله ان يرد لنا حقوقنا وينتشلنا من الفقر هههههههههه اقصد الغنا اللذي نعاني منه فهو اصبح داء

تحياتي لكي علي الموضوع الجميل ده والنظره الواقعيه اللي نقلتيها في موضوعك حفظك الله ودومتي متفوقه ،،،

كلمات من نور يقول...

لهم حق بصراحه يزعلوا من الشعب ..حتى 20 % دي نسبة بسيطة ...ويا ترى ال 80 % اخبارهم إيه؟؟؟؟؟؟؟ عليه العوض ....تحياتي

BNT ELISLAM يقول...

الى مجرد انسان:
انا كمان والله نفسى نتغير بس امتى وازاى
هو ده الى نفسى حد يفهمهولى

شكرا جدا لمرورك ولرائيك

BNT ELISLAM يقول...

الى جنى


احنا افقر الشعوب عقلا ومالا
عقلا لاانا لدينا موارد عقليه ولا نستخدمها ولا بنسيبها تبتكر وتخترع وتحلم


شرفنى مرورك

BNT ELISLAM يقول...

الى مرمر


حقا الكوب اللى مليان هيصوب على فاضى
بس تقولى لمين ولا المليان راضى يصب ولا الفاضى راضى يطلب
شكرا على مرورك

BNT ELISLAM يقول...

الى همسه عتاب




منوره

رايك كتير عجبنى



وعجبى


تسلميلى يابسوبس

BNT ELISLAM يقول...

الى كلمات من نور


فعلا عليه العوض


تحياتى لك

م/محمود فوزى يقول...

السلام عليكم
جزاكم الله خيرا على الموضوع المهم
الناس دي مش عايشه معانا
اكيد بيتكلموا عن ناس تانيه
زي ما وزير طلع علينا يقول ان اللى بياخذ 150 جنيه فى الشهر مش فقير
عايز افهم هايعيش بيهم ازاى دول

يعنى حتى العيش الناس فيه ناس كتيره جدا بتدور عليه لان الفارق كبير فى السعر بين العيش الغير مدعوم والمدعوم

يعنى على رايك هى الناس من كتر غناها بيجربوا الفقر كنوع من الدلع
حسبنا الله ونعم الوكيل
ربنا يكرمك ويسعدك