أهلاْ بكم فى واقعى :)

rss

الاثنين، مايو 03، 2010

انواع الاولاد على نت

السلام عليكم ورحمه الله وبركاته
احبائى فى الله معايا موضوع ترفيهى شويه
ونقاشىشويتين

موضوعى وهو انواع الاولاد علىنت



ممنوع الزعل ياجماعه ده امرواقعى







لسه جديد على نت


طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1-
يا اما متحمس وحط فى دماغه موضوع النت وعايز يتعلم
2-
يا اما سمع من صحابه عن النت والبنات وجاي يجرب حظه

<><><><><>

(
الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما

يتكلم شوية يقولك ممكن نكمل كلام في التليفون انا اصلي مبدخلش النت

كتير ومليش خلق للكتابة والحاجات دي

والنوعيه دي تنقسم الى قسمين:
1-
يا اما يبقى لحوح ويفضل يطلب نفس الطلب وصباح الملل
2-
يا اما يبقى عنده عزة نفس وميلحش بس هيتعصب وهيقولك اعمليلي بلوك

><><><><>

الي قاعد على النت ليل نهار)ده بقى شرحه يطول وينقسم لعدة انواع)

1-
المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2-
ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3-
المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

4-
اللزقه
والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5-
الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
العرض

انا انصحك خليه يحصل اخواتهيعني بلوك وديليت

6-
الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7-
حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8-
الكداب
من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9-
العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه


10-
بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة



وكده موضوع الى عجبنى خلص انتم بقى كشباب وبنات


ايه رايكم ؟





ونقول خير الختام الصلاه والسلام على اشرف خلق الله سيدنا محمد عليه افضل الصلاه والسلام

هناك 21 تعليقًا:

م/محمود فوزى يقول...

السلام عليكم
ازيك
انا اسف جدا على التاخر فى المتابعه للمدونه الجميله دي
وانا فعلا حاططها فى قائمه المدونات اللى بتابعها
لكن باه المشغوليات
(اصل انا مهم جدا فى البلد دي بس محدش واخد باله مني)

على فكره معلش انتى حاولى تعملى تعديل فى التدوينه
خلى اتجاه الكلام من اليمين للشمال
اعملى تحرير للتدوينه
وهاتلاقى ايقونه عليها سهم اتجاهه من اليمين للشمال
اعملى
Select all
وبعدين علمى على الايقونه دي

بكده – ان شاء الله – الكلام هايتظبط

بس بصراحه عرض جامد لنوعيات الولاد على النت
صحيح مش كل الناس كده
بس النويعات دي اعتقد هى اغلب النوعيات الموجوده
واللى مش عاجبه يروح يدور كويس

عاجبنى طريقه عرض النوعيات
وخاصه اللزقه والحبيب والناصح

فعلا فيه ناس فاكره نفسها ان اى بنت لو شافته او كلمته فلازم ولا بد انها تنهار وتعترف انها بتحبه وبتموت فيه
ودي نوعيه قديمه قوي
اعتقد ان بعضهم ممكن يكون زي بتوع زمان اللى كان بيقف على ناصيه ومعاه سلسله مفاتيح قاعد يلفها حولين صباعه
وطبعا اللبانه
والسلسله اللى فى رقبته (عشان الناس تعرف انه مرخص مش بيعض )

اما باه اللى يتكلم فى الماسنجر مع عشرميه واحده ويتلخبط فيهم فده غلطان
لازم يعمل قاعده بيانات كامله
ويظبط نفسه
مش يندلق ويغلط فى اسامي دي ودي
وده باه يستحق المقلب اللى يحصله لما يكتشف ان بيكلم واحد صاحبه على انه بنت بيحبها

والمفروض باه البنات تخلى بالها بعد الكلام ده

اسف انى طولت
ربنا يكرمك ويسعدك

mrmr يقول...

هاى حبيبتى
انا بقيت من المتابعين لمدونتك وضفتها عندى واتمن كمان انك تشرفينى مدونتى

عجبنى قوى سردك انواع الاولاد على النت
علشان دى فعلا اللى بيحصل
انا عندى زميل بيكلم بنات كتير قوى على الايميل ومن كترهم مش بيعرفهم
لكن كل اللى يقدر يعمله علشان مينساش حد
انه ياخد كل الحوار اللى دار بينهم كوبى ويحفظه علشان يقدر يتابع معاهم ويوهم كل واحده انها ما فيش على الحجر غيرهاوانه بيحبها
ومتعلق بيها وشاغله كل تفكيره
الشخص ده مش ح يتعلم غير لما ياخذ درس كبير يطلع من عنيه هو واللى ذيه
شخص ذى ده فيه كل الاوصاف اللى ذكرتيها ولازم يتعلم الدرس يعنى لازم وان شاء الله ح يتعلمه

وياريت البنات تخلى بالها ومتندلقش على طول وعايزه اقولهم ما فيش حب ولا زواج على النت ده كله ضحك على الدقون

تحياتى اليك

قلم رصاص يقول...

كلامك صحيح فعلا وبيحصل كتير

ربنا يهدي شباب وبنات المسلمين

احييكِ على الطرح المثمر

واشكرك على زيارة مدونتي المتواضعه

تقبلي مروري وتحيتي

BNT ELISLAM يقول...

الى م/محمود فوزى:
بجد شكرا على نصيحه

وسكرا على تواجد فى مدونتى المتواضعه




وشكرا على رايك


ويكفينى وجودك ومروك على الدونه

دمت بخير

BNT ELISLAM يقول...

الى mrmr
اهلا بيكى وان مدونتى تكون فى قايمه مدوناتك ده شىء يشرفنى

وشكرا لرئيك واهلا بمرورك

تسلمى
لكى كل احترامى

BNT ELISLAM يقول...

الى قلم رصاص



نورتنى


بجد وشرفتنىفى المدونه واهلا بيك من تانى معانا هنا

كنت اتعود على تواجدك والله




شكراكتير لرائيك



واهلا بيك


دمت بخير

م/محمود فوزى يقول...

بنت الاسلام
جزاكم الله خيرا على كلامك الجميل
ده انا اللى تشرفت بالمرور هنا
ربنا يكرمك ويوفقك

حلمى البعيد يقول...

ازيك بنت الاسلام
ههههههههههههههههه
وفي اكتر من كده
بس هتعملى ايه ولاد مفكرين ان هدفهم في الحياه بس هما البنات
موراهمش حاجه
ربنا يهديهم
وبجد بقي نوعية الشباب اللى يطلق عليهم كلمة رجل
بقوا قليلين
او بقى الاغلبيه مش عارفين هما عاوزين ايه بالظبط
مدونتك جميله يا قمر
وان شاء الله يدوم التواصل ما بينا
تحياتى لكى

جنّي يقول...

السلام عليكم

تدوينة جميلة ..

وبالفعل الانواع دي موجودة ولكن انتقاء الاصدقاء وعدم الانفتاح بلا ضوابط يحد من تواجدهم جدا في حياتنا ..

على فكرة الكلام غير مرتب حاولي تعدليه كما ذكر محمود فوزي

تحيتي

BNT ELISLAM يقول...

الى الحلم البعيد

شكرا كتير على مرورك
وعلى رايك فى شباب كتير كل تفكيرهم حاليا البنات سواء على نت او غير النت


اتمنى يدوم التواصل بينننا

BNT ELISLAM يقول...

الى جنى

اسعدنى مرورك كتير

واتمنى يدوم التواصل بينا

مجرد انسان يقول...

السلام عليكم
بجد مدونه جميله والله جزاكى الله خيرا
احب اقول بس ان كلامك فى البوست ده كله تقريبا صح
ومفيش زعل من ناحية الاولاد لانهم متاكدين ان ده صح فعلا
بس انتى اتكلمتى على الولاد بس
كان واجب عليكى تتكلمى على البنات برضه
لان فيه برضه بنات بتفضل على النت لاسباب اكيد انتى عرفاها
واسباب متعدده زيهم زى الولاد

لكى منى كل تقدير واحترام

كلمات من نور يقول...

ربي يكرمك

كلامك صح مع الأسف الشديد وهناك كوارث بسبب الدخول على الانترنت لغرض اللهو والعبث وربي يعصمنا ويعصم أبنئنا من كل شر وسوء ...تحياتي

BNT ELISLAM يقول...

الى كلمات من نور
شكرا كتير على مرورك
واتمنى يدوم التواصل بينا
وكتير رايك عجبنى
ليكى كل الاحترام والتقدير

باحث عن حب يقول...

هههههههههههههه
طيب دول
انواع الولاد
طيب انواع البنانيت ايه
بصى
من رأى ده كله نقص فى شخصيه البنى ادم
وبيعمل وبيقول كده علشان يكمل النقص اللى عنده
وبس
مدونه حلوة وجميله

BNT ELISLAM يقول...

الى باحث عن الحب:
مدونتى زادت اشراقا وجمالا بمرورك فيها
ورايك يهمنى وفعلا هو بيبقى لحدوث احس بننقص عن الانسان او فراغ حاجات كتير تانيه


المهم انك نورتنى

همســـــــ عتاب ـــــــــــة يقول...

جميل اوي الموضوع يابنت الاسلام
وفعلا دي ظاهره منتشره اوي في عالم النت كله بيكدب علي كله مهو محدش شايف حد ان شالله ماحد حوش تيجي زي ماتيجي وكل شاب عاوز يترسم علي النت من دول ويحسسها انه فارس احلامها المنتظر وبعد ماتقع ياعيني يقولها باي باي اشوف غيرك باه
والاغرب تلاقي الراجل من دول متجوز ومخلف وسايب بيته ومراته وعياله اللي المفروض انهم اولي باهتمامه من النت ونلاقيه قاعد يكلم فلانه وفلانه
سبحان الله في خلقه فعلا له في خلقه شؤون

جزاكي الله خيرا علي الموضوع الجميل ده وطرحك الرائع،،،
في انتظار المزيد من الابداع،،،

BNT ELISLAM يقول...

الى همسه عتاب


عندك حق فعلا فى ناس متزوجه وتلاقيها داله وعايسشها حياتها عادى ولا اكن فى احترام لزوجته ولا لاولاده




لك تحياتى وشكر على مرورك

love_for_ever يقول...

ازيك يادودى الموضوع اكثر من رائع بجد عندك حق ياختى الواد من دول يبقى حالته بلاء ويقعد يتكلم عالنت ويرسم نفسه يقول احسن اسم ويقول انه فى احسن كليه والمشكله يبقى عارف ان اللى بيكلمه فاهمه ويكدب برضو ولا الحبيب برضو ده والله الناس بقت بتكدب من كل نحيه حتى عالنت مهو محدش شايف حد بقى والمشكله ان فى بنات كتير بتقع فى المصايب دى واهو كله بيضحك على كله.... ربنا يحميكى ويخليكى لينا

!!--EeKaa--!! يقول...

يا ترا انا اى نوع

ما تنسيش تردى يا بلديات.......

BNT ELISLAM يقول...

الى ايكا منورنى
واهلا بيك
ولما اكون اى حد صدقنى انا هرد عليك......................



رديت على البلديات