أهلاْ بكم فى واقعى :)

rss

الخميس، مارس 04، 2010

هترضى بيها .....................ولا لاء؟؟؟؟؟؟؟

السلام عليكم ورحمه الله وبركاته



بقالنا كتير لم نفتح باب النقاش سويا
ووحشنى واشتقت لارائكم وووسط حملات لمسه احب انه يكون فى موضوعات تانيه
وبصراحه شديد قرات من فتره سؤال على احدى المنتديات
اعجبنى اعجبنى جرئته
اعجبننى طرحه
كل مافيه اعجبنى
اليوم فى لمسه هنعرضه وهنطرحه


ياترى

ياترى

لو قبلت واحده

وحبتها
وكنت مستنى اللحظه الى اتكلمها فيها
وفجاء حدثت
واتكلمت وفى نص الحديث فجآتك بى.............................





او انت قلت لولدتك انك عاوز تتزوج وفجاء اخبرتك بانها عندها زوجه مناسبه ليك

وبعد ماشوفتها عجبتك ولما جيت كلمتك صرحتك بى...........................



او





انك كنت بتحب واحده من فتره ونت وهى مع بعض وكانت فى مره ماشيه لو حدها

بليل
وهى راجعه

فى منطقه ظالمه حصل وطلع عليها شويه رجال وشباب و تم............................





فهمت.......................... لســــــــــــــــــــــــــــــه؟


انا اقولك لو كنت فى اى موقف من ده وفجاءه عرفت انها الى بتحبها اغتصبت

وانك لم تكن اول رجل فى حياته ولم يكن برضاها


وان كنتى امراءه اخت او ام هل تقبلى ان ابنك يتزوج منها
او اخوكى يتزوج منها؟

يااخى

هل تقبل الزواج من فتاه مغتصبه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


سؤلال محتاج تفكير وعاوزين صراحه قبل مايكون للمسه يكون منك


مناقشتى للموضوع هتكون فى العليقات معاكم باذن الله
هستناكم ويارب يتكون اللمسه المرادى خفيفه عليكم

اترككم فى حفظ الرحمن ومع الصلاه على نبى خير خلق الله

السلام عليكم ورحمه الله وبركاته


هناك 11 تعليقًا:

مى علوان يقول...

على فكرة دى حاجة صعبة جدا ومفيش اى راجل هيقبل بكدة وبالذات الرجل الشرقى ولااى ام ولكن ممكن ان يكون حدث للبنت غصبا ومش برضاها طب وهى هيكون ذنبها اية على الحالةدى هتكون محتاجة عقلية راجل متفتح ومتفهم والموقف هو اللى هيحكم واخيرا اشكرك على هذا الوضوع ومستنيين المزيد

غير معرف يقول...

السلااااام عليكم ورحمة الله وبركاتة
اولا دة موضوع جميل وانا عن نفسي عاجبني اوي انا لو بحب انسانة وحصلها كدا بعد الشر عليها وعلي البنات اللي زيها لية ما اتجوزهاش دة اسمة اغتصاب يعني اتغصب عليها سواء بالضرب او بالتهديد بس بجد مش هرتبط بيهااا ولا هحس اني راجل واقدر احافظ عليها الا لما اقدر اجبلها حقهاا واحسسها بالامان هو يعني اية حب حب يعني فرض راي اعملي ودي لاء ولما تقع في ورطة ابيعها الحب يعني اخلاص ترابط امان حاجات كتير يعنيها الحب وعلي العمووم هو موضوع جميل واكيد في اراء كتير هتبقي مختلفة عني بس هو دة راي الشخصي وبدون اي احراج بقولو الحب مش اوامر الحب لية كذا معني وبعدين البنت هتعمل اية الناس اتلمو عليها وخدو حاجة مش من حقهم هي في الاول وفي الاخر بنت وضعيفة
علي العموم هو موضوع جميل اوي اوي
وربنل يوفقك يا ملاك دايما ودايما في تقدم وربنا يحمي كل بنات امة محمد من الشر والسوء
النمر الاسود

م/محمود فوزى يقول...

السلام عليكم
جزاكم الله خيرا على الموضوع المهم ده

مادام الموضوع غصب عنها طيب ليه نظلمها
ايه المشكله فى الجواز
طبعا مش هايكون الجواز عطف عليها
لكن اشوف عادي ايه احوالها
وهل هى فيها الشروط المناسبه لشريكه الحياه ولا لا
من تدين واخلاق وكده
ويكون الجواز باذن الله
ايه المشكله
ولا هو حب بالكلام وبس
وبعدين يعنى المفروض ميبقاش باه سبه لها طول العمر وكل شويه الناس تفكرها بيها
اكيد كانت لحظات سودا مش كل شويه نناديها بيها
ارحموا من فى الارض يرحمكم من فى السماء
ربنا يكرمك ويوفقك

LOVE_FOR_EVER يقول...

اولا باشكرك على الموضوع الجميل ده فعلا موضوع محتاج نقاش..واحب اقول رائ...هو لو بيحبها فعلا هيقف جمبها وهيرتبط بيها غصب عن عين الكل لان اللى حصلها ده غصب عنها مكنش يعنى بمزاجها لان الحب تضحيه مش عشان موقف هى اتعرضتله غصب عنها تبقى لاتصلح للزواج هى فعلا محتاجه لانسان يفهم الموقف ده وانا عارفه ان مفيش ام فى الدنيا ترضى ان ابنها يتزوج من واحده مغتصبه بس هى لو عندها بنات تحط بنتها مكانها وقتها عمرها مهتقف فى طريق ابنها بالعكس هتقوله طالما بتحبها وعارف ان الموقف ده غصب عنها اتزوجها على طول ...وكمان هقول حاجه اللى بيحب مش بيحب عشان مصلحه لاء عشان لقى الانسانه اللى تقدر تفهمه ويفهمها ويكمل بقيه عمره معاه بمعنى اصح يكمل نص دينه واما يحصل يبعها يبقى هو مقدرش حبه ليها بالعكس هى الوقت ده هتبقى محتاجه اكتر من الاول ..ده كان رائ الشخصى واكيد فى ردود كتير هتوافق وهترفض بس بجد انا لو كنت ولد وحبيت واحده واغتصبت عمرى ماكنت هتخلى عنها بالعكس كنت هرتبط بيها .... وبالتوفيق دائما يابنت الاسلام وربنا يحميكى ويحمينا ويحمى بنات الاسلام من كل شر

LOVE*FOR*EVER يقول...

علفكرة انا عاجبنى رد الاستاذ محمود فوزى اوى لان فعلا الحب مش كلام وبس الحب افعال وكمان طالما فيها الشروط المناسبه زى ما الاستاذ محمود قال تبقى تصلح شريكه حياتك وكمان الاستاذ محمود قال نقطه مهمه اوى انك مش هتتزوجها عشان تعطف عليها ومش كل شويه تفكرها بالنقطه دى او تحسسها انك متزوجها شفقه او عشان ترضى ضميرك ....اسفه للاطاله انا حبيت ارد على الاستاذ محمود فوزى لان رايه عجبنى اوى

BNT ELISLAM يقول...

السلام عليكم ورحمه الله وبركاته
الى مى علوان
فعلا الرجل الشرقىالى مش فاهم هو اللى ممكن يكون زى مانتى مابتقولى
وانه عاوز رجل فاهم ومتفتج وشجاع وانه يكون حساس وبيعرف يحب
شكرا على تفاعلك وعاوز اشوف رد وتفعلك معا يا مع باقى الاعضاء

BNT ELISLAM يقول...

الى النمر الاسود اهلا بيك
وكلامك ومناقشتك عجبانى وتفاعلك مع الموضوع
وان فعلا الحب مش كلام ولا اومر الحب وجود واحساس وانك تقدر تحمى الى بتحبه ولما يضيع حقه تقدر تجبهوله

لك احترامى وتقديرى

فى انتظار وجود دائما

BNT ELISLAM يقول...

الى م/ محمود فوزى
منورنى ياستاذى والله وحشنىردك وتفاعلك وعندك حق لو هى زوجه مناسبه وده غصب عنها فهعلا ياعنى مش يارادتها
هى مش ذنبها شىء

وانه فعلا مش سبه لها طول حياتها


لك احترامى وتقديرى
وفى انتظارك دائما

BNT ELISLAM يقول...

الى LOVE*FOR*EVER
منورانى ومنوره لمسه كلها
وعجبنى تفاعلك معايا


وفعلا الحب مش كلام وخلاص وانه مش ذنب للفتاه وانه اغتصاب ياعنى غصب
انا بشكرك على تفكيرك
لكى احترامى وتقديرى

همســـــــــــ عتاب ــــــــــــــة يقول...

مشكله كبيره فعلا ان الواحده تفقد اعز ماتملك رغما عنها وكمان تخسر كل حاجه بعدها من حب واحترام للناس وتكسب حاجه واحده بس ...فضيحه ملهاش ذنب فيها

لو انا مكان راجل في الوقت ده وبحبها بجد عمري مهعتبر اللي حصلها ده نقطه ضعف ولاهستغله بالعكس انا هقويها بيه
وهقف جمبها وده هيزيدني تمسك بيها لاني مادمت قبلت حبها اصبحت مسؤلا عنها وحقي عليها ادافع عن شرفها واخدلها حقها مش اتخلي عنها وارميها

ولو مكان اي ام اكيد هقلق من الموضوع بس لو دي رغبة ابني يبقي هو حر في اختياره وهو المسؤل الاول والاخير عنه
وهتاكد الاول من اخلاقها واتاكد انه كان رغم عنها ولو تاكد من كل ده اقدر اقول سعادة ابني فوق كل اعتبار واهم من اي اقوال تقال...


ولو انا مكان تلك المطعونه في شرفها منزوعة القوه ومسلوبة الشرف فساقول علي كل ظالم حسبي الله ونعم الوكيل
واكيد مش هتقف حياتي عند الموقف ده لا هتحدا الدنيا وهقوم بعد الوقعه تاني وهقف وهثبت للي قال فحقي كلمه وحشه وظلمني حتي ولو بنظره مسير الحق يظهر وعدل ربنا مازال موجود،،،،،

دمتي صديقتي بود وجزالك الله خيرا علي الموضوع

BNT ELISLAM يقول...

الى همسه عتاب
هطلب كمنك طلب انك تتخيلى انى بثقفلك
بسم اله ماشاء الله

بجد راى جذاب مقنع فرحت انه فى ناس كتير فاهمه واعيه والاحلى انه فى بنات عندها حماس كده انها لما تقع لازم تقوف اقوى من الاول وانها فاهمه انها مش سلبه ليه طول العمر
بجر شكمرا لتفكير ولا اسلوبك
ودمتى لى من اجمل الاصحاب
احبك فى الله

انتظرى منى المزيد