أهلاْ بكم فى واقعى :)

rss

الجمعة، سبتمبر 30، 2011

رساله فى حوار

سمحت لى الفرصه اليوم ان اراى مايدور باحد العقول  للشباب المصر ى
وسمحت له الفرصه ان يتحدث عن مابه من خلال جمل بسيطه
كل منا يتمنى ان ياتى اليوم ليوجه كلمه او كلمتين  هى مجرد حروف بسيطه لديه ولكنها لدينا ولدى مايقرائها كنز اذا استثمر مابهم من كلام هنتعرف على مشكله 80%من جيل اليوم.

س: مااسمك؟
المواطن: أ . ع

س  :  السن
المواطن: .25

س :  بتشتغل؟
المواطن  : لا.

 س : مش بتشتغل ليه؟
المواطن : عشان مافيش شغل فى البلد حسنى خربها.

س : حاولت وملقتش ولاهى حاله احباط؟
المواطن  : شباب مصر كله بيحاول بص الصراحة راحه وكله ميبعرافش  والكل مبيعرفشى يلاقى شغل.

س : المفروض هتفضل من غير شغل وهتستسلم لللوضع ده مفيش تحدى انك تنوى تبدتى حياتك
 المواطن : ادونا انتو فرصه بسمسم بس واحنا مش نمشى من البلد ونشتغل هنا.


س: افهم من كده انك مستنى فرصه شغل خرج البلد ؟
المواطن : اها اعمل ايه يعنى اقعد ااستنى يعنى.

س  :  ايه الى شايفه موجود فى الخارج مش موجودفى مصر ؟
المواطن : هو فى ايه موجود فى مصر.

س :  انت شايف مصر مش موجود فيها اى حاجه؟
المواطن : هو انتى مش من هنا ولا ايه ؟

س :  كنت من ثوار الى نزلو افى 25 يناير ؟
المواطن : لا مش كنت لاقى موصلات اروح  اعتبرينى من اللجان الشعبيه.

س :  ايه رايك فى حال البلد بعد الثوره؟
المواطن : بصى فى بعد اى ثورة لازم يكون فى خساير كتير .
بس احنا المشكلة ان البلد مش كان فيها حاجة تخسرها كانت على الابيض لان الثورة يعنى تغيير نظام: وتعيير النظام ده عمره ماحيجى من غير خساير فى الفترة للتحضير له .

س : ايه رايك فى الشعب المصرى؟
المواطن : شعب طيب جدا بس ناقصة حاجة مهمة جد التعليم الشعب ده لو اتعلم صح حيطلع منه ناس كويسه كتير.

س :  ايه رايك فى المجلس العسكرى؟
المواطن : ده وضعه صعب شويه .
س :  ممكن توضحلى اكتر!
المواطن : اولا هو اول حاجة يكرم على وقفته جمب الشعب فى اول الثورة
 تانى حاجة فى وضعه محير بين الى بسمعه والى بنشوف يعنى من ناحيه عايز يقف جمب الشعب عشان يحمى البلد  ومن ناحيه تانية لسه له ولاء لمبارك .


س: ايه رايك فى صوره دى ؟




المواطن : هو مش ماسك البلد دلوقتى؟
المواطن:   هو من حقه يعمل الى هو عايزه
 المواطن : ان شاالله ينزل فى الشارع بدون ملابس
  بس حقولك على حاجة برده
الله اعلم بما تخفيه الصدور

س: مش غريبه  ان وقت نزوله يظهرو يبقى الاعلام موجود بالصدفه ويصوره ويقول انه كان ماشى عادى وسط البلد؟
المواطن : لا لا مش صدفة ولا حاجة

س : افهم انك مش حاسس من تغيربدله المشير رساله بيوجهها للشعب؟
المواطن: اكيد وراها رسايل مش واحده بس.
حقولك على حاجة من ساعة مابئيت محاكمة مبارك مش علانية والمجلس العكسرى بئى له تصرفات غامضة شويه وسايب الى عايز يتكلم يتكلم والى عايز يعمل يعمل بس كلمته هو الى بتمشى فى الاخر.
س: شايف المرحله الى احنا فيها من الثوره دى ازاى؟
المواطن : فى حاجة مزعلانى جدا بالنسبة للثورة دى! ان الثوره مش ليها قائد والقاده الى فيها مش عارفين يتكلموا
س: انت عندك فكره ازاى نخلى لثوره كلها قائد وواحد؟ او مين فى دماغك ممكن يكون قائد للثوره؟

المواطن: بنفع نصوم بعد رمضان
الاخوان المسلمين والسلفيين منهج واحد يعتبر وليهم انجازات جامده جدا من فوق الترابيزه وتحت الترابيزه شوفى وضعهم كان ايه ايام حسنى مبارك ودلوقتى
موضوع الحركات دى برده 6 ابريل ومش عارف حركة 3 مارس والناس دى شوفى برده وضعهم ايه ايام حسنى وضعهم يه دلوقتى !
الاحزاب الى طلعت جديده كلها برده كل واحد طالع عمال يقول فى رائيه برده وعايزين نعمل وعايزين البلد كويسه .
المواطن : هى الثورة دى تنسب لمين ؟
الاجابه: للشعب.
المواطن: فين الشعب من كل ده بقى ؟
 الاجابه كتير متقسم تبع لاحزاب
المواطن: حزب ايه وزفت ايه بس يا ماما انتى عندك 60 % من الشعب ممكن مش يعرف يعنى ايه كلمة حزب اصلا.


س :  لو هتبعت رساله فى كلمه لحد مسئول او ناوى يبقى مسئول ؟هتقول ايه ؟
المواطن : مافيش احسن من مقوله الشيخ الشعراوى ما لم ترضى فى حكمك احمى اثاره من سلفك وافروغ الى حملك واحنا سنعينك بان نصلى من اجلك  مافيش كلام بعد كلام الراجل ده والله.


س : نفسك فى ايه؟
المواطن : نفسى البلد دى تتعدل فى اسرع وقت عشان مش اسافر برده.

س : عاوز تقول حاجه تانى قبل مانختم الحوار؟
 المواطن : احب اقول لكل شاب وكل فيتاه خلى بالكو من الى انتو واقعين فيه
  فى نهايه نموذج لشاب مصرى كل حلمه انه عاوز يعيش حياه تضمن له الراحه والامان
نلاحظ انه  مش غاوى سفر ولا بيكره بلد 
 امنياته حاليا البلد تتعدل ليفضل فيها

مش هاجرها وعاوز يسبها او زى مابيقولوا كارها
بل العكس بيتمنى وبيحلم مجتش الفرصه يحقق
لمسه فى رساله من حوار بسيط
اتمنى تحليلكم وتعقيبكم
تحياتى لفكركم

هناك 13 تعليقًا:

لـــولا وزهـــراء يقول...

س : ايه الى شايفه موجود فى الخارج مش موجودفى مصر ؟
المواطن : هو فى ايه موجود فى مصر.

س : انت شايف مصر مش موجود فيها اى حاجه؟
المواطن : هو انتى مش من هنا ولا ايه ؟

................................................ز
ههههههههههههههههههههههههههههه

دا لمض قووووووووي

لولا

BNT ELISLAM يقول...

لولا منوره وسورى انى حذفت التعليق تانى ووقفت نشر الموضوعع لحد ماظبطا هجائيا
فرحانه جدا انك اول مشاركه واسفه على اللغبطه تهنيج منى اوى
لك من ارق التحيات ياقمرايه

مدونة رحلة حياه يقول...

السلام عليكم
عارفة يا بنوتة مصر فيها حاجات كتير قوى حلوة عاوزة اللى يخرجها

مشكلة الباب انهم مبيدوروش ولو دوروا مش بيرضوا بالقليل
سيبك من كلامهم بقى هما لو عرفوا واحد انا عرفت مليون
بتعجبنى جدا البنات اللى نازلة تلف ع المكاتب وتسال وتدور ع الشغل
بتعجبنى الست الغلبانة اللى بتيجى تسال عاوزين حد ينظف المكتب
بيعجبنى قوى عم فتحى لما يجى يقول انا بغسل سجاد لو عاوزين اغسل لكم السجاد
بيعجبنى قوى عم اللى مش عارف اسمه وعمره معدى الخمسين سنة وبيلف بشنطة بلاستيك على كتفه وعامل فيها قرص ومعاه لب وبيلف طول النهار يقول قرص وتسالى
اتخنقت قوى من كتر القهاوى والشباب اللى قاعدين عليها والبنات اللى بقول بيشيشوا طول الوقت
كفاية كدا
مصر حلوة محتاجة اللى يبنيها مش ينام ويقول بحلم وهيحصل والا هسافر
هما فاكرين لما يسافروا هيعملوا ايه
رزق هنا رزق هناك بس اللى يفهم
اسف طولت عليك
مناقشتك حلوة بس فى احسن كتير

مصطفى سيف الدين يقول...

احباطه من مصر هو احباط الشريحة الاكبر من الشعب المصري لمصر
كان املنا كبير اوي في الثورة بس للاسف لحد دلوقت املنا متحققش
تحياتي

لـــولا وزهـــراء يقول...

المواطن : هو مش ماسك البلد دلوقتى؟
المواطن: هو من حقه يعمل الى هو عايزه
المواطن : ان شاالله ينزل فى الشارع بدون ملابس
بس حقولك على حاجة برده
الله اعلم بما تخفيه الصد
..................................
الحمد لله اهو كدا (:
ربنا يعزك ياجميلة مشوفتكيش في رحلة حياة ع الفيس من ساعة عيد ميلادك
(: انا مبسوطة اكتر بيكِ ياقمر

لولا

HSendbad يقول...

حوار جميل بس لكل مواطن رأيه
وانا كمواطن أرى أن مصر فيها شغل كتير بس للأسف شبابنا مبيتعبوش نفسهم بالشغل طبعاً مش الكل أنا صادفت نماذج كتيرة بمؤهلات مختلفة واشتغلوا وكافحوا ونجحوا وأحب أقولها إني لما اتخرجت من الجامعة اشتغلت من أخر يوم في الامتحانات وبمجهودي ومن غير واسطة بلدنا والله مليانة شغل شوفي اللي بيسافر بره بيشتغل اي حاجة وهنا بيرفض ويتبتر على نوع الشغل مرة وغيره المرتب وغيرها من الأسباب مع العلم أن حقه دخل مناسب لطبيعة العمل
وأكرر أبدعتي حين رسمتي صورة لمواطن بسيط يرى الحياة بمنظوره الخاص فلكل منا منظوره الخاص وللعلم شعبنا لن يرضي باي حاكم مهماً كان وهيطلع عليه نكت برضو هاقول ايه شعب ابن نكته ودمه خفيف ونفسه يأخ> حقه ووضعه بين الشعوب
تحياتي لك
ودمتي في حفظ الرحمن

white paper يقول...

جميل جدا الحوار دا
وبيعبر عن اكتر من 80 % من الشعب
الناس البسيطة العادية اللى ما تعرفش يعني ايه كلمة حزب
وابلغ كلمة قالها :ان اهم حاجة التعليم و ان الناس دي لو اتعلمت هيطلع منها ناس كويسة جدا

غير معرف يقول...

السلام عليكم
مهما حصل في مصر عمرهااا ما هتيجي لوراا هتفضل ام الدنيا مصر البلد الوحيدة اللي ذكرت في القران
اخلومصر ان شاء الله امنين
وحوار جميل جدا جدا بس يااريت نغيرر من نفسنا علشان نقدر نغير البلد دي وتبقي اجمل بلد زي ما هي اجمل بلد ومهما اتنهبت هتفضل بخير
ربنا يوفقك واتمنالك كل خير
مع تحيات النمر الاسود

richardCatheart يقول...

هااااااااااااااااااايل يا هدوره رساله موجه مكثفه فى اسلوب وصوره فى منتهى الرقى والبساطه جممممممممممممميل

eng_semsem يقول...

احنا توقعنا كتير من الثوره وبعد كده فينا اللي فاق على واقع تغييره مش سهل ولازم نؤمن بكده والشاب ده موجود منه كتير بس برده موجود شباب بيكافح وبيحاول يحسن من اوضلعه وانا ليا صديق اعرفه كويس بيشتغل في شركه براتب معقول بس بيحاول يحسن وضعه بحاجات جانبيه ممكن نسميها تجاره حره
وفي نقطه على فكره ان بعتقد ان اللي بيسافر بره مصر مش بيضر مصر ومتهيالي اقتصاديا ده بيفتح فرصة عمل لواحد مكانه في مصر ولو دخله بره كويس ممكن يرجع يفتح شركه او ما شابه تخليه يفتح فرص عمل اكتر وبعدين هو كده او كده بيجيب فلوس من بره مصر ويدخلها مصر يعني مفروض انه بيساعد الاقتصاد
والله اعلم
تحياتي

Casper يقول...

حوار جميل ومعبر بدرجة كبيرة
والعامية أكسبته رونقا مختلفا

بالتوفيق

شهرزاد المصرية يقول...

ربنا يعطى كل شاب حلمه و يسهل الحياة لجيلكم يا عزيزتى

تحياتى

عبير علاو يقول...

الله المستعان