أهلاْ بكم فى واقعى :)

rss

السبت، مايو 07، 2011

زكريات

السلام عليكم ورحمه الله وبركاته

 احلى صباح واحلى مسى لاجمل ناس واجدع ناس كويسه





 وحشتونى كتير كتير كتير

 خلونى ابداء انهارده بانى احمدربنا

اللهم لك احمد كماينبغى لجلال وجهك وعظيم سلطانك





اكيد انتم سمعتوا الاشعه اللى انا سمعتها وهى

انهم بيقولو بيقول ونا مليش دعوه انانهارده عيد ميلادى

 واحلى عيد ميلاد لانكم معايا والله

 حبيت انهارده اكون معاكم انتم وبس

 وسط الناس الى بحبها

 قبل ماكلكم التورته واشربكم الساقع وننفخ البلالين ونهيص وكده

 انا بقول ان انهارده يوم فاصل فى حياتى

 بجد اللهم لك الحمد تميت 20 سنه

الله اكبرفى عين الحسود الله اكبر صلو على نبى كده

 يوم فاصل عدى فى حياتى عشرين سنه خلاص كبرت وعجزت ياجماعه وزعلانه جدا انى كبرت

كانى نفسى ارجع طفله مش اكبر

انا مشتاقه افتكر معاكم حاجات كده

فى عشرين سنه ولو بنظره سريع اوى اوى اوى

 بيمر شريط قدامى عينى  وافتكر مواقف كل موقف وموقف ؤدام عينى  فى عيد ميلاد يخلينى اقول انا كنت مفتريه جدا جدا  اولهم بعد مادخلت الابتدائى اول عيد ميلاد اتزكره فى تانيه ابتدائى ماما قالتى انهارده هعملك عيد ميلاد اعزمى صحباتك وكده على اساس انهم خمسه سته اماا انا مش هنسى الموقف ده

 طبعا وقفت فى الفصل وعزمت تقريبا 20  بنت وزمايلى الاولاد

  وجه بليل وكل مانيجىنقعد وخلاص هنطفى الشمع ماما تلاقى جرس الباب بيرن

ايوه ياطنط انا صاحبه هدير

  والبيت بقى مدرسه وكل بنت جايبه اختها كبيره وماما  اتقلبت الشغلانه من انها منظمه الحفله  الى انها قاعده على الباب بتستقبل اصحابى

 وطبعا مش عاوزه اقولك انا فى نهايه اليوم اتعمل فى ايه؟

 اتذكر برده عيد ميلاد ليه

كنت فى رابعه ابتدائى وجيت احتفل بيه ولسه هطفى الشمع سمعت صوت صويت جامد جدا اومى تفتح الباب وتطمن فى ايه نعرف ان جارتى الى تحت توفت

 ومن يوميها حرمت احتفل بعيد ميلادى





لحد يومنا هذا الى ان شعرت امبارح بشعور جميل واصحابى من على نت اول ناس افتكرونى وفكرونى بعيد ميلادى



 السنه دى انا بقول عليها فاصل لان السنه 19 من حياتى مريت بيها بالوحش والحلو ولكن اللهم لك الحمد حقا كان خاتمها مسك  
 وربنا اراد بجد انه يفرح قلبى فى اخرها الحمدلله

 بس اتعلمت فيها حاجات كتير اتعلمت ان مش كل ناس زى بعض مش كل حد هياخد حب ومعامله كويسه ده هيكون رد فعله الحب بس اتاكدت ان معاقبه هذا الشخص  انى افضل اتعامل كويس واكون احسن من كل

 اتاكدت بجد ان  كلمه صديق او صديقه كبيره اوى مش لازم اديها لا ى حد وحق اصحابى عليه انى اكرمهم بيها عن اى حد اخر

 احب انهى كلامى بانحنائى لابويه واومى

 هما الى وصلونى لكدا بنوته عندها عشرين سنه بتعرف تتعامل مع البشر بطريقه شبهما كويسه

 اصحابى اسفه على اى تعب تعبتكم فيه معايا واى شىء سبتهلكم من اذى

 ارفع الشابوه زى بيقولوا لشخص كده مع انه اقل ان يكو ن ان يذكر هنا

 اخواتى واحلى اخوات المدونين  بجد احلىصحبه انى فى ناس مشوفنهاش ولا نعرفها كشكل بتخاف علينا اوى وبتحبنا اوى بتبقى معانا فرحنا وفى حزنا فتحياتى لهم





 فاضل شخص واحد مش هقول حاجه عنه بس هقول
نفسى بجد وهسكت......................





 نجيب بقى التورته  وكل واحد ياخد حته واحده بس


 دى الاساس ومعانا كمان واحده احتياطى 

كل واحد يمد ايده ويقول بسمله
 وبعد التورته ايه اكيد طبعا هتكون شبعته مين قال لسه


 ماشى نقدم بقى الساقع كل واحد واحده بس والشرب هنا مش فى البيت
دورت على منكر بس ملقتش جبتكلم ده





 محدش يسالنى فين الاكل
  تورته وجبت  ساقع وشربنا ال ماشوفت حد رقعلى رزغوته

 هسيبكم بقى تشهيصوا وتهيصوا ونا انفرد بتورته العشرين سنه لانى جعانه جدا


قبل مامشى اتمنى انى عمر الى جاى بعد عشرين سنه اذا اتكتبلى انى اعيشهم اكون حققت حاجه كويسه بجد يوم ماامشى من الحياه تبقى موجودالى
  وبجد الحمدلله ان ربنا مدينى الصحه والستر والعقل عن كتير غيرى مريض وتعبان ومعاق فاللهم لك الحمد كما ينبغى لجلال وجهك وعظيم سلطانك
ياااااااااااااااااااااااااااااااااااه عشرين سنه عدوا سبونى بقى مع نفسى  شويه
 واسيبكم تصلوا على نبى

هناك 12 تعليقًا:

الحــب الجميـــل يقول...

عليه افضل الصلاة والسلام

كل سنه وانتى طيبه حبيبتى
عيد ميلاد سعيد عليكى يارب

ربنا يسعد قلبك الجميل يا دودو
وأشوفك أجمل العرايس
وأفرح بيكى يارب

ربنا يحقق لكى كل اللى تتمنيه
ودايما فى سعاده وفرح
:))

لـــولا وزهـــراء يقول...

انا مش لسة معلقة ولا انا سكرت من المنكر اللي انتي حطتيه هو البيبسي بقى يسكر دلوقتي ... هه كل سنة والقمراية بنوتة الاسلام سعيدة وبخير وبحب
لولا

غير معرف يقول...

كل سنة واجمل كاتبة واجمل اخت طيبة وعقبال يارب 100سنة ويارب يكون عيد ميلاد سعيد عليكي
النمر الاسود

مدونة رحلة حياه يقول...

السلام عليكم
وصلى الله على النبى الامى وعلى أله وصحبه وسلم
كل سنة انتى بخير وكل لحظة وكل نبضه وكل همسة وكل نفس يكون سعيد
ربنا يديم عليك العمر فى سعادة وفرح وطاعة وقرب من الرحمن

لولو احمد يقول...

كل سنه وانتي طيبه يا ديدي وعقبال ميت سنه وانتي معانا بس مش اكتر من كدا حرام عليكي بقي هدوبي اجيال كدا

همســــــ عتاب ــــــة يقول...

كل سنة وأنتي طيبة ياهدير
وعقبال 100سنة وأنتي بخير وسلام

hadeer يقول...

اللهم صلي على سيدنا محمد وعلى اله وصحبه وسلم تسليما كثيرا صلاة لا منتهى لها كل سنة وانتي طيبة يا حبيبتي وعقبال يا رب 100 سنة وكل سنة وانتي معايا وجنبي على طول وربنا يجمع بنا في الجنة يا رب

rack-yourminds يقول...

كل سنه وانتي طيبه

انــــــ حياتى ــــــــــت يقول...

كل سنه وانتى طيبه ياحووووووووووبى
عقبال مليون سنه
واشوفك عروسة حلوة كدا
وعيالك حواليك
يالا كفايه عليكى كدا

د.ريان يقول...

مساء العطر بنت الاسلام

والف الف مبروك ويارب كل عام وانتم بخير

وكل سنة وانتم بجمال وصحة

اتاخرت لاني كنت باتابع جديد المدونة وعجبي

وفاتتني المدونة هنا بس حضرت اخر جزء

من التورته :)

كل عام وحياتكم أجمل

تقبلوا أرق تحياتي

mrmr يقول...

كل سنه وانتى طيبه يا قمر
معلش جايه متاخره
اكيد التورته والساقع خلصوا
لكن ملحوقه اكل واشرب يوم نجاحك باذن الله عقبال ما اكل تورته جوازك يا قمر

ربى يسعد قلبك

love story يقول...

عليه الصلاة والسلام كل سنه وانتي طيبه كل سنه وانتي بنوته كل سنه وانتي سعيده كل سنه بكل صحه وبكل فرح وعيد ميلاد سعيد وعبال ميت سنه