احساس مهزوم!

مش عجيبه انى مش انا

ولاغريبه انى مازلت هنا

بس العجيب والغريب لما تفكر هتكون وهتبقى ايه فى لحظه صفا

لما تدور جواك ذكرى مشاعر حلوه

ولما تفتكر لمسه وهمسه وضحكه

او تحدى كان بينطق وبيقول هكون ليكى على طول

او يمكن احساس داس على كل احباط

 يمكن كان امان فى وقت حنان بينى وبينه

او يمكن كان اخلاص اصله فى الاصل اساس لحلم اتمنيته

عشان كده انا تايهه هنا يمكن عشان فجاءه اختفى

ولا يمكن عشان خوف من انه انتهى

ولا ده احساس ملكنى ومخوفنى من كل اذى

ياربى

وحدك تعلم ما بداخلى

 هل حير تى  غضب منك

ام هوحال مكتوب لى

ياربى  على ايام  بتلهى  وبدور عامله تلف بيه زى مايكون اناعصفور

اتقتل وقت مابداء يحلم يكون مشهور

مشهور فى حلمه 

مشهور بين اهله 

مشهور بحبه الى اتحدى بيه الكون

ياربى خايفه تكون دى نهايتى

طيب ياهلى لو غبت عنكم هفرق معاكم

ياصحابى هتقفوا جنبى وقت ماحاول افراقكوا

 حبيبى

هدمع عينك عليه وقت فراقى

عذرا فلم اقل حبيبتك لانى لم اعلم انهاليس بداخلك 

فكله فى دفتر مفقود تحت  عنوان

شىء مهزوم

حتى الهزيمه مش من حقى

لا بقى اقوى يانفسى مش حباكى بضعفك 

ولا بعصيانك حباكى تكونى قويه زى مانتى

قومى وفوقى ارجوكى هضيعى منى

ارحمينى اوعى تسبينى بينهم لوحدى

مدى ايدك انا معاكى خلينى جنبك انا عاوزكى

لم اقل ياهلى او ياصحابى او ياحبيبى

فاعلم انى لى رب لم يتركنى وحدى

كتير مش منتظمه

 بس هو اللى جوايا

اترككم فى رعايه الله ومتنسوش تصلى حبيبكم النبى