أهلاْ بكم فى واقعى :)

rss

السبت، أكتوبر 23، 2010

بوعى ....... نجد السبب


السلام عليكم ورحمه الله وبركاته
احبائى فى الله
اخواتى واخوانى
واخوانى واخواتى
اتعودنا هنا نتكلم بصراحه نلمس الحقيقه ونتعرض ليها
سبق وطرحنا موضوع بدون وعى ................يردد
بدون وعى نردد جمل ومصطلحات غريبه اخترت واحده منهم 
تعنى الباقى بالكامل فى مجال المشاعر
لا لحب ضاعت فيه المفاهيم
لا لحب فى زمن الخيانه والغدر
لا لحب فى الزمن المصلحه لا لحب فى زمن الشقاء وذل النفوس
لا لحب فى زمن انا ونفسى  وليس احد بعدى
انهارده مش طالبه بحث ومش هنغمى عيونا لاللأسف 
جايه ومعايا حقيقه صعبه 
كتير منا رفضوا الحب عشان اسبابه 
وكتير منا عشان عذابه وكتير منا عشان معرفش يحب
العيب فينا
بس ازاى ومن امتى هى ده اللى هتناوله
هبداءها معاكم بقصه محتمله شقين:
الأول هو : كان يامكان فى عصر  من الزمان كان فى واحد واحده بيحبوا بعض
وربنا سهل الحال واتجوزوا وانجبوا بس للاسف معرفوش يتعاملوا مع بعض فى وسط الضغوط والمشاكل نسيوا حبهم نسيوا انهم اتفقوا فى يوم انهم يكون لبعض ومع بعضى على الحلو والمر  طيب والاطفال دى ماهى ياما شافت مرار شافت اهانه وعدم واحترام بين اب  وام 
فين حبهم فين حكايات ام كانت بتحكيها واب كان بيرددها
هو ده احلى حب هى دى الموده هو ده الرحمه
تكبر البنت كل حلمها تعيش مشاعر كويسه وعارفه انها لكل ماتقابل الاحسن هتكون نفسها فيه تقعد وتسمع وتقتبس مشاعرمنه
اصلها اتحرمت من حب وهو بيساوى عندها امان واستقرار
فبتداء تبحث عن اكتر شخص تاخذ منه هذا الامان والاستقرار
يكبر ابن من أب وأم فقدوا الحب وعدم التفاهم 
فكل احلامه انه يعرف بنت  لان كله عنده سواسيه 
والكلمه الى بيرددها الحب مبياكلش ولابيشرب 
وادام عرفتنى قبل الجواز يبقى عرفت مليون غيرى ويعرف دى ويسيب دى
يبقى هنا كان مين السبب ؟                           الله اعلم
ناتى للشق الثانى؟ كان يامكان فى عصر من زمان واحد واحده اتجوزا جوازه طبيعيه جدا هو معاه فلوس ومحترم وهى بنت كويسه ومحترمه وربنا وفق بس معرفوشب عض ولاهىتناسبت فكريا ولاهو فهمها احساس ومشاعر تبداء اللغبطه وكل واحد واقف مكانه ولاهى عاوزه تقرب منه فكريا
ولاهو راضى يقرب منها ويفهم مشاعرها ويترجمها
ويتربى ابناء بين اب وام حياتهم روتينيه 
وتطلع بنت متعقده من الحب او بنت عندها لهفه فظيعه انها تعيش مشاعر هى محرومه منها ومشفتهاش وابن عاوز يحب 
ويشوف ايه هو الحب الى ملاشفوش داخل اسرته
وهنا العامل فى الاتنين هو الاختيار كل شاب 
وكل فتاه لما بينوى يحب بيحب بقلب  وليس بقب مضاف 
الى عقل يفكر وضمير يراقب ومشاعر تترجم هذا
فبعض فتره يكتشف انه ليست هذه من يتمناها 
وتبداء عمله الجراح والخيانه وانه قابل حدتانى فاقتنع بيه 
وترك الى بيحبها اصله مخترش صح 
هو دور على الحب مش الحب الى اأتى اليه
اول سبب عدم الاختيار
ثانيا عدم الصراحه كل واحد بيبداء يظهر احلى ماعنده 
ويظهر فى شكل بيلمع عشان يعجب الطرف تانى
وعند الظهور الحقيقه نقول
لالحب فى زمن ضاعت فيه مفهوم الصراحه
وثالثا :فى وسط المشاكل والضغوط الكل بيبيع
الفتاه  يتقدملها واحد بن حلال غير الى بتحبه ابوها يوافق وامها  
وهى تنسى اللى بتحبه تماما واهلها يقنعوها
وتبداء تقنع نفسها انها هتعيش حياه كويسه 
وهى هتعيش بجسد بدون قلب
وغيره وغيره
المفاهيم احنا اللى غيرناها واحنا الى بنغيرها ومصممين نخفيها
تقدر تقولى راحت فين الرحمه والتسامح
راح فين التمسك والاراده
راح فين حبيبك وقت ماكان محتاجلك لما مش هو ده اختيارك قبلته ليه وحبيته ليه
هو العيب فى الحب عشان نقوله لاء
ونحرمه انه يعشيش مبينا يروينا ويحينا
هو الحب اللى غلط والكره والحقد اللى صح عشان نرفع شعارهم
راح فين حب ابن لابوه
راح فين رحمه بنت لوالديها
راحت فين اصرار وعزيمه وحب  لطموحك وحلمك
هو الحب مشاعربين فتاه ورجل  او رجل وفتاه
ولا الحب احساس احنا الى بنميه وحنا الى بنخنقه وبنحكم علبيه نخفى
انا من انهارده
برفع شعار لا للحقد والكراهيه ونعم للحب وشط مدينه محميه
محميه باردتى وثقتى فى الله محميه  فى ثقتى للطرف الاخر محميه بصراحتى مع نفسى محميه باحترامى لكيانى وتمسكى بمبادىء
اوعى تقول ده حلم الحلم انك تقبل انك تعيش وسط عالم هتروى بكره
الحلم المفزع هو الى بنحاول نكونه ونشره مبينا
علم نفسك ازاى تحب وتتمسك بالحب
علم ابنك ازاى يكون رحيم ومتسامح عشان يعرف يحب
مين هينادى معايا نعم للحب فى وسط مدينه محميه

 اسفه لاطاله بس انا بعشق الحب
 وبعشق المشاعر الطيبه
وبجر حرام علينا نموتها مابقاش فى حاجه فضله غيرها
 حافظ على قلب نقى حكمت عليه الطهاره والبراءه بالصدق والامانه والصراحه
  لمستى انتهت
 ملحوظه لمسه زى ماهى وعجبى مفجاءات كتير
لمسه ليها كيانها  وعجبى ليها اختلافها


 احبائى فى الله اوعى تنسوا تصلوا على الحبيب المصطفى عليه افضل الصلاه والسلام

هناك 12 تعليقًا:

mrmr يقول...

فعلا غاليتى المفاهيم احنا اللى غيرناها واحنا الى بنغيرها ومصممين نخفيها
والحب احساس احنا الى بنميه واحنا الى بنخنقه وبنحكم عليه بالموت
وبنحكم على نفسنا بالعذاب
شكرا لمواضيعك الهادفه وشكرا للدعوه للحب
ربنا يملا قلبك بالحب ويسعد ايامك

همســـــــــــــ عتاب ـــــــــــــــة يقول...

المفاهيم فعلا اتغيرت لاوقربت تضيع كمان
اصبحنا في مجتمع بلااخلاق وبلامباديء
واحنا السبب العامل الاساسي فينا احنا من جوانا تملك منا اليأٍس واصبح يقودنا الي تغير الطبيعي بكل صوره ومنها الحب غيرنا طبيعته وشكله حتي احساسه راح وانعدم
القصتين اللي سردتيهم دليل كافي اننا السبب واننا مش عاوزين نتغير ومش هنتغير ،،،،
تحياتي،،،

Noha Saleh يقول...

الحب ضرورى اكيد بس مش كفاية لنجاح الحياة بين الازواج
اكيد لازم يكون فى توافق فكرى بينهم اكيد لازم يكون فى اشياء مشتركة
لازم يكون فى تحمل مسؤلية
لازم يكون فى ود واحترام
لكن الحب لوحده مش كفاية

Ramy يقول...

أنا يمكن قلت رايى البوست اللى فات

بس عارفة يمكن يكون فى حب و فى تفاهم

بس هنا دلوقت فى الحياة دى

عاوزة من الأتنين ان يكونوا محاربين

و خاصة لو مكنوش أغنياء

الحياة هتكون أختبارتها صعبة بس صدقينى كل ما هيمر أختبار و ينجحوا الحب هيزيد
و هيقوى

ممكن ناس كتير يشوفوا كلامى غير منطقى بس دة اللى انا حاسه

و ممكن يكون غلط

بس هعيش كدة لغاية ما يثبت العكس حتى لو ضاعت حياتى كلها بمفهومى الغلط دة

شكرا ليكى

richardCatheart يقول...

تحياتى على كلام جميل طيب

ودعوه لرفع الشعار الصح فى الوقت اللى محتاجينه فيه فعلا

ツSmiLeY AnGeLツ يقول...

السلام عليكم
صباح الخير
المفاهيم نحن غيرناها بأرادتنا والحب غيرنا معناه كمان بأرادتنا
كل انسان عارف ماذا يعمل بالحب وكيف يفهمه لو كان معاه عقل يفكر وقلب يحب عمره ماهيفهم الحب بشكل خاطئ
لكن نقول ايه العيب مش في الزمان العيب فينا
تقبلي مروري
سلامي لاجمل بنت الاسلام.

أبو فارس يقول...

تقبلي مروري الاول
اما عن رأيى فرأي من رأي
زميلاتي (مرمر. وخواطري مع الحياة)

دمت في حفظ الرحمن

أحمد زاهر يقول...

طبعا معاكى
نعم للحب فى وسط مدينة محمية
عندك حق فى اللى قولتيه وفعلا احنا اللى باديينا بنموت كل حاجه حلوه جوانا وبنغير احلى تقاليدنا واحلى المفاهيم اللى اتربينا عليها
ولو قارنا بين أيام جدودنا لو تفتكروها وأيامنا هانعرف الفرق واضح وضوح الشمس
أتمنى أن كل الناس تسمعلك وتقدر تحب نفسها قبل ما تحب غيرها وده الخلاف الوحيد بينا لأن أنا مقتنع أن احنا لما عملنا كده ما كناش بنحب نفسنا لأن ما فيش حد بيحب حد بيضره واحنا أحسن حاجه بنعرف نعملها ان احنا بنضر نفسنا

حب نفسك تحب الناس والناس هاتحبك

تحياتى

غير معرف يقول...

الله يا دودو موضوع جميل اوى
واتكلمتى فية وطرحتى موضوع مهم جدا فى حياتنا كلنا
تسلمى يا قمر
بوست رائع
تحياتى

شوية قهوة يقول...

فعلا عندك حق
مواضيعك حلوة اوي
وكلامك رائع فعلا شدني
شكرا لزيارتك اكيد اتن شاء الله مش الاخيرة

عاشقة الحب يقول...

بسم الله الرحمن الرحيم

زى ماقالوا كتير المفاهيم اتغيروا بس عشان إحنا مش عارفين نتعامل مع الحب نفسه يمكن لو إتعملنا معاه بطريقة تتناسب معاه يمكن نلاقى نجاح فى حياتنا وبدون مشاكل .
وفعلا كتير من المفاهيم عندنا زى ماهى مش عايزين نغيرها بس لما نجرب ونعرف الصح من الغلط يمكن نتراجع عن الغلط ويبقى صح

تحياتى

BNT ELISLAM يقول...

عندك حق ياشوشو
سعدت بمرورك
دايما يارب فى تواصل