أهلاْ بكم فى واقعى :)

rss

الأربعاء، ديسمبر 02، 2009

اتقوا شر........البنات!



السلام عليكم ورحمه الله وبركاته


اهلا وسهلا بكل حبايب لمسه للواقع انهارده موضوعى عباره عن صوره خلال تجولى عبر الانترنت عثرت عليها لما اعرف سبب من صممها ولاكن تعالوا نحاول نفكر سوى ياترى هو ليه قال كدا؟


بس عاوزه ويهمنى ارارء الشباب اكثر من البنات والرجال اكثر من النساء وهذه هى الصوره

وهذه هى الصوره وباين اوى اللى كاتبها كاتبها على اتوبيس اوراكبه للتوصيل

ياترى هو كتب كدا ليه؟

طيب حكم ليه على البنات كلهم انهم اقل من الكلاب

هو البنات دى مش بشر هو الرجاله مش بتغلط او اللى كتب كدا مش بيغلط زى ماممكن اى بنت تغلط فى حقه

ياترى هو حب وانجرح عشان يكتب كدا ولما كتب كدا وخد بذنب كل بنت سيئه انه غلط فيها واساء اليها

متهيقلى االبنات دول منغيرهم ميبقاش فى وجود تخيلى كدا معايا ان ربنا خلق البنات ليهم طولت بال اكتر وبيتحملوا اكتر البنت هى اللى بتراعى ابوها او اخوها لما بيمرض وهى اللى بتحمل وهى اللى بتضع وهى اللى بتتالم هى اللى بتستحمل شغل البيت وممكن كمان بره البيت

تعالى انت بقى تقدر تتحمل ده انت لو فكرت ثوانى مع نفسك هتقول لاء وانا ايه الى يجبرنى انا راجل مش هوده اللى بنسمعوا لما بتجى والدتك تطلب منك اى مساعده او زوجتك او اختك بترد تقول انا راجل مبعرفش اعمل ده يبقى ليه الكلاب تبقى احسن من البنات

وليه اصلا لما البنت تغلط تتحاسب اكتر من الولد انت بشر وهى بشر اذا كان ربنا حكم انها تبقى ناقصه عقل ودين ففى ملايين لم تفهم هذه الجمله ونا هشرحها ناقصه عقل لانها تمتلك عاطفه اكثر عشان تبقى احن على اولادها وعلى زوجها وعلى ابوها واحنا دايما بنقول البنت حن ياعنى مش ناقصه عقل تفكير لا ربنا اراد انت تنقص فى العقل ويزيدها فى العاطفه

وناقصه فى دين لانها مش بتروح تصلى زى الرجال ولا اتفرض عليها الصلاه فى الجامع فربنا فضلك عنها فى كدا انك تسحمل انك تنزل فى عز البرد وتصلى جماعه

ربنا فضلها لانك بتصوم شهر رمضان كامل هى ممكن بسسب ظروف ربنا بيقدرهلها هى متقدرش انت بتصلى على طول هى برده

لاء بسبب هذه الظروف الشرعيه مابالك انت ممكن تكون راجل وملكش سبب ولا عذر فانك مش تصوم ولا متصليش ومبتنفذش ده لاكن معروف علميا ان البنات عقلها وتفكيرها اكبر من الاولاد واسرع مش بنقص من قيمه الرجال ولاكن انا بقول زى ماحنا مش بنستهون بك كرجل لاتستهون بنا كانساء

مسنيه رودكم وزى ماقلت مستنيه اعرف ياترى انتم كمان فكرتوا فى ايه؟

ويارب تكون اللمسه دى خفيفه عليكم

وخير الحتام الصلاه والسلام على اشرف خلق الله سيدنا محمد عليه افضل الصلاه والسلام

والسلام عليكم ورحمه الله وبركاته

هناك 12 تعليقًا:

شوشو يقول...

السلام عليكم ورحمه الله وبركاته.
بسم الله الرحمن الرحيم

طبعا ماقدرشى اغلطك فى كلام انتى قولتيه او فسرتيه مش عشان انا بنت عشان دى الحقيقه لان بجد البنت او السيده هى اللى بتشيل الرجاله هى اللى بتشيل مسئوليه البيت كامله فى غياب زوجها وغير كدا هى كمان اللى بتربى الاولاد.
ممكن اعرف اى رجل متزوج شارك زوجته كام مره فى تربيه طفلها؟
ماعتقدشى كتير لان وقته كله بره شغل اواصحاب او حاجات تانيه.
طب ليه اللى كتب ان الكلاب افضل من البنات ؟
على الاقل ساعات احنا اللى قلبنا بيحن للعطف على اى حيوان فى الشارع يبقى ليه يقول ان الكلاب افضل مننا؟
اسأله كتيره محتاجه لتفسير والاجابه عليها اكيد الانسان اللى كتب عباره زى دى مش طبيعى او حصلتله حاجة كبيره ادت اللى كتباه هذه العباره.
انا على فكره مش بسىء لكل الرجاله بالعكس فى رجاله محترمين جدا وبيقدروا كمان مجهود الزوجه فى حاجات كتير .
عايزه اقول فى اخر كلامى ان اكيد ربنا فضل البنات عن الاولاد فى حاجات وفضل الرجاله عن النساء فى حاجات اخرى.
ربنا رحيم ورؤوف بينا ويلقب بالحق والعادل فى كل شؤون الدنيا.
شكرا جدا على مواضيعك الهامه دى ومنتظره المزيد منك .
السلام عليكم ورحمه الله وبركاته.

المحبة لله يقول...

السلام عليكم ورحمة الله وبركاتة اولا صلى على النبى.بشكرك جدا يا لمسة انك عرفتى وفسرتى جملة النساء ناقصات عقل ودين لان فى ناس كتير جدا فاهمين الجملة دى غلط وبعدان اللى قال الجملة دى مش فاهم حاجة ان الكلاب اصلا وفية بس مكنش ينفع يقول كدة لان احنا مش كلاب احنا زى ما قولتو بنتعب وبنشيل الرجالة وبعدان البنت دى مش امة واختة وزوجتة وبنتة مهما كان السبب المفروض ما كنش قال كدة لان احنا مش حيوانات لان ربنا فضلنا عنهم بالعقل وبعدان البنات بشر زى الرجالة صحيح ربنا قال الرجال قاومين على النساء بس مش من حقك تقول علينا كدة انا مش عارفة اقول بس اللى كتب كدة عايزة اعرف كتب كدة ليةبس
والسلام عليكم ورحمة الله وبركاتة

BNT ELISLAM يقول...

السلام عليكم ورحمه الله وبركاته
كلام جميل ياشوشو مرسى ليك على المتابعه ونا والله كمان نفسى اعرف هو مين عشان اقولوا اتفقى ربنا فى البنات
يارب تكونى بخير
تباعينا

BNT ELISLAM يقول...

السلام عليكم ورحمه الله وبركاته
ازيك يامحبه لله وعندك حق والله فى كلامك وربنا يهدى الجميع
يارب تكونى بخير وشكرا لكى ولمتا بعتك

غير معرف يقول...

رينا يهدى الجميع

همســـــــــــــ عتاب ـــــــــة يقول...

حسبي الله ونعم الوكيل في اللي كتبها وعلي فكره في بعض الرجال اقل من وصفه للبنات والبنات دي بيكون ليها مواقف اشجع من الرجاله نفسهم

BNT ELISLAM يقول...

السلام عليكم ورحمه الله وبركاته
الى همسه عتاب ازيك ياهمسه منورانى دايما كدا
وعندك حق حسبى الله ونعم الوكيل فى اللى كتب كدا حاجه مستفزه بجد
استنى منى الجديد ويارب نكون بنول اعجابك

mhmdwahab يقول...

السلام عليكم
طبعا حضرتك لازم تلاحظى ان كاتب هذا الكلام غالبا سائق عربية يعنى مستوى عقلى فى الضياع
http://altahrosh.blogspot.com

!!--EeKaa--!! يقول...

أولا ابنات مش شر عشان لو البنات شر كان هيبقة العالم كلو شر بس برضو زى ما قلنا الوحش بقة بيغطى على الكويس والله هى دى المشكلة ان العملية كلها ساحت على بعضها ومحدش بقة فاهم حاجة (^_^) ربنا يححفظنا ويحفظكم ويقوى أيمانا وأيمانكم

!!--EeKaa--!! يقول...

ديما بنرمى الغلط على الراجل والست ملاك وغلبانة ومغلوب على أمرها دى وجهات نظر وشخصيات مختلفة مش كل بنت او ست كويسة مش كل راجل او شاب كويس بس هى الفرق فى الشخصيات والتعامل وظروف البيئة الى عايشين فيها سواء الراجل او الست وبعدين الى كاتب الكلمة دى زى ما محمد وهاب قال سواق ميكروباص يعنى مستوى فكرو عمرو ما هيوصل انو يعرف يعد ويتكلم ويتناقش مستوى فكرة العقلى بعيد جدا عن مستوى التفكير بس الناس بتبنى رأيها على موقف حصل او حاجة حصلت نبدأبالتعميم ونشتم فى الكل بدون وجة ذنب او بدون تفكير بس درة برضو بيرجع للتفكير والمستوى التعليلمى والخلقى والاجتماعى وبعدين مش هنعتب على سواق ميكروباس . جزاك الله كل خير بنت الاسلام (لتانى مرة البنات مش شر البنت دى مخلوق رقيق معتقدش انو يبقة جواة شر ) ان كيدهن عظيم

BNT ELISLAM يقول...

السلام عليكم ورحمه الله وبركاته
الى!!--EeKaa--!!: شكرا على المرور والبنات هما الاص لو مفيش بنات منتش انت نورتنا دلوقتى
وفعلا الوحش بقى بيغطى على الكويس
ربنا يجزيك خير على المشاركه

Love_for_ever يقول...

بسم الله الرحمن الرحيم........ ربنا هيحاسب اللى كاتب الجمله دى دا الرسول كان بيعظم نساءه وبقدرهم وقال واستوصوا بالنساء خيرا هو كده غلط فى امه ومقدرهاش ومش عشان تجربه فاشله ممكن يكون مر بيها يحكم على الكل وعايز اقول برده للاستاذ Eekaa احنا مش بنرمى الغلط عليكو ولا حاجه ولا قلنا ان الستات ملايكه بس من الست والراجل بيكملوا بعض من غير ستات مفيش حياة ولا من غير رجال والا ربنا كان خلق ادم بس من غير حواء وربنا يسامح كل من قال كلمه وحشه فى حق بنات المسلمين واحب اشكر بنت الاسلام على مواضيعها الجميله وربنا يوفقك ويوفقنا جميعا