أهلاْ بكم فى واقعى :)

rss

الجمعة، يوليو 03، 2009

وهكذا اصبحت الحياه .......عادى!


كلمه لفتت نظرى ,وعشان كدا عاوزه اعرف ايه رايكم فيها بس بصراحه واتفقنا على الصراحه طبعا هتسالوا ايه الكلمه هرد انا واقول:عادى عادىاااااااااااااه عادى كلمه ايه رايك فيها صغيره وكلمه شيك لذيذه بتحل حجات كتير بتبين ان مش ملتزم انك عايش ومعاصر الحياه المشكله مش فى الكلمه المشكله فى استخدمها كل حاجه واى حاجه بقت بنستخدمها بشكل تانى ونهارد معايا اول كلمه كلمه عادى كل حاجه بقت عادى الى هى يعنى مفيش مشكله, يعنى زى ماتيجى كله واحد كله بقى زى بعض, يعنى مش فارقه اوعى تكون مش عارف خطورتها والخطر الاكبرتكون عارف وساكت دى الكارثه قولت عادى واستخدمتها زى مانت عايز خلاص كل حاجه فى حياتنا بقت عادى، قلدنا اللى الغرب وقلنا عادى وموضه, سقطنا بنطلون وقلنا عادى، تكلم ابنك او بنتك وتقله أصحابك وختارهم بشكل سليم يقلك عادى كله زى بعضه, تكلم الفتاه وتقلهاحجابك تقلك عادى, شربت سجاره وقلت عادى وماله, ورق بفره ومزاج وقلت عادى ادمنت وقلت عادى، بنات على شباب واختلاط بشكل فظيع وميرضيش رب وقلت عادى، غلطت ونمت قبل ماتصلح غلط وقلت عادى، شوفت المسلم اخوك بيغلط الى النبى وصاك عليه وقلت عادى، اطفال بتموت كل وم بالنار والدمار وقلت عادى مساجد بتتهدم وقلت عادى، سيبت سجاده الصلاه وقلت عادى ، رفعت صوتك على ولدك ولدتتك وقلت عادى وكدا ابقى راجل واثبت شخصيه، بنت ضيعت حيائها وتقلك عادى وعشان اعجب، حرب على طوابين عيش وبقت عادى ، سرقه وغش ورشوه ونسيت الرب الى لا يغفل ولا ينام وقلت عادى، وهكذا اصبحت الحياه، عادى.... عادى.... عادى... عادى.... عادىيوووووووووووووووووووووه بقى اصحى وفوق عادى دى مش ليك عارف ليه مش ليك لان انسان مخلوق بنىآدم ربنا خلقه وميزه بالعقل عن باقى المخلوقات العقل ده عشان متستخدمش عادى انت يانسان يامسلموانتى مسلمه من خير امه اخرجت للارض من امه حبيى وحبيبك محمد( اللهم صلى وسلم عليه تسليما كثيرا ) امه مش عاديه ربنا اختارك واصطفاك عشان تبقى مسلم ومتقلش عادى ووتقول لاء للى فى ضد الحق وتصرخ بصوت عالى وترفض شبح عادى وغيرها اوعى تقول : وهكذا اصبحت الحياه عادى اوعىتستلم وتقول. قبل مامشى ممكن اسالك سوال وراجعه تانى نناقش ردودنا سوى ايه رايكم فى كلمه عادى؟ وكان عندى حق ولا عادى؟

هناك 9 تعليقات:

شوشو يقول...

السلام عليكم ورحمه الله وبركاته طبعا احنا بقينا فى حياه عاديه وعشان نخليها مش عاديه لازم نقرب من ربنا ونعرف الاسلام كويس لان ربنا كرمنا وكرم بنى آدم قال الله تعالى "ولقد كرمنا بنى آدم وحملناهم فى البر والبحر ورزقناهم من الطيبات وفضلناهم على كثير ممن خلقنا تفضيلا"صدق الله العظيم.فعشان كدا لازم نكون بنات او شباب مش عاديين نقول الحق والصواب ونترك كل ما يغضب الله ورسوله اكبر مثل ممكن اقوله انا "انا كنت بحب وبقول عادى الحب مش حرام لكن اكيد فى حدود وكنت بستخدم الحب ده بطريقه مش صح كنت برجع واقول عادى ماهو اصحابى بتعمل كدا لكن دلوقتى لما ربنا هدانى وبعدت عن الشخص اللى بحبه او بمعنى تانى ربنا باعتلى رساله او شخص تانى اتقدملى ووافقت عليه وهتخطب ان شاء الله عقبالكم يارب "انا عايزة اقول ان مش كل حاجة نقلدها او مش كل حاجة نعملها غلط نقول عليها عادى لاننا بنعمل حاجات غلط كتير وبتبقوا عارفين انها غلط لكن بتتمادوا فيهاوتقولوا لنفسكم وبتقنعوها انها صح لكن هى غلط فى آخر كلامى اللهم صلى على سيدنا محمد وعلى اهله وصحبه اجماعين انتبهى يامسلمه, انتبه يامسلم .ربنا يهدينا جميعا ويجعلنا من اهل الجنه والتقوى والعمل الصالح أأميييييييين يارب.شكرا

bnt elislam يقول...

بسم الله الرحمن الرحيم
شوشوجميل قبل ماعلق وناقش رد هعتبر اتنين فى واحد
اولا ينفع لموضوع عادى وفى داخله رساله من رب لعبد كفايه انك حستيها ولمستيها اما بالنسبه لموضوعنا انتى عبرتى بكلمه عادى باجحمل حاجه القرآن الكريم وبصراحه اكتر انا كنت سيبها عشان تعليقاتكم واعرف وعى الى بيقروا لحد فين وقلتى حمله عحبتنى لما نقرب من ربنا اكتر هى دى بدايه الموضوع وبدايه عادى البعد عن ربنا تابعى معايا بقيت الردود وكلنا هناقشها مش انا بس هنا المجال مفتوح ونورتى موضوعى

غير معرف يقول...

السلام عليكم ورحمة الله وبركاتة
النهاااردة فعلا كلمة عاادي بقت كلمة سخيفة اخ شااايف اختة ماشية مع شاب ويقول عادي ما انا ماشي بس في حااجة هو لو فية تربية كويسة من الصغر علي الدين والحياء عمرة اي انساان هيقول عادي يبقي الاساس هنا من البيت هو المفروض اللي يلغي كلمة عااادي وبعدين كلمة عادي زي ما قولتي يا ملاك بتحل مشااكل كتير بس اللي هي فعلاعاادي يعني من الاساس مفيش مشكلة يس فعلا علشللن تتلغي كلمة عادي من قاموسنا لازم نغير نفسنا ونعرف ان الرشوة حرام وان ربنا شايفنا والبادي والبطلون الضيق ونعرف ان ربنا شيفنا ومنقولش عادي لان اللي معندهوش اساااس في دينة اكيد كل شيئ هيبقي عندة عادي حتي ولو هو غلط فا هيبقي عاادي
النمر الاسود
وربنا ولي التوفيق واتمني لكي كتابات اجمل واحسن انشاء الله

bnt elislam يقول...

الى غير معروف
عندك حق فى كل كلمه بتقولها وان عادى دى بقت عادى فى حياتنا ودايما مبقاش فى مشكله ولا اعتراض كله بقى زى بعضه شكرا على اهتمامك وردودك وتابع معايا برده بقيت الاراء والتعليقات عشان انا متاكده ان الموضوع انتم الى بتعملوه مش انا
وشكرا على مرورك

شوشو يقول...

الى النمر الاسود عندك حق والله الاخ بيشوف اخته ماشيه مع واحد ويقول عادى ماهى كل البنات بتعمل كدا واجمل حاجة انك قولت لازم الطفل من الصغر يتربى على الحياء والدين قال رسول الله صلى الله عليه وسلم "لا يأتى الحياء الا بخير "صدق رسولنا الكريم وانا نفسى اى بنت تكرم نفسها وتحافظ على جسمها لانها جميله وحياءها افضل من البضى والبنطلون الضيق شكرا على اهتمامك بالموضوع

همســـــــــ عتاب ــــــــــة يقول...

السلام عليكم ورحمة الله وبركاته......

بداية احب احيكي علي بساطه موضوعك واهميته في نفس الوقت وفعلا هو بيلمس ناحيه مهمه جدا في الحياه وهي انك تعبري عن تصرفاتك بكلمه وتصرفات الشخص هي اللي بتدل علي اخلاقه وتربيته وهو بيعبر عن تصرفاته دي بالكلمات وكلمة عادي مثال واضح للسلبيه وعدم الامبالاه بتاكد علي النشاه في الارض البور الغير صالحه اجيال بتطلع وورارها اجيال وكل جيل بياخد من اللي قبله ولو كان الجيل السابق بحال عادي زي مانتي وصفتي في موضوعك يبقي عمر الدنيا بالاجيال اللي جايه مهتعمر ولا هتشوف خير لاننا بعيد اشد ما يكون البعد عن ربنا احنا قريبين منه بس بالديانه ونسبتنا للاسلام وانا شايفه ان الوضع ده بيسيء للاسلام واننا الي ظالمنا دينا منجيش بعد كدا نلوم الغرب علي اساءة النبي عليه الصلاة والسلام واحنا اصلا من جوانا مش مبنيين علي اساس ديني وتربوي كويس لازم نراجع نفسنا ونبطل سلبيه ونبطل كلام كتير لان العادي بتاعنا مش عادي اقصد ان طبيعتنا كويسه وجوانا خير بس بنضيعه بالعادي وبتغلب علينا الاهواء.....
بشكرك علي موضوعك وبتمنالك التوفيق،،،،،

همســـــــ عتاب ـــــــة

bnt elislam يقول...

الى همسه عتاب
اولا منور موضوعى وده طبعا بيتك
ثانيا شكرا على الرد والاهتمام
وثالثا مقدرش اقول انك غلط وكل كلمه قولتيها صح ولاكن ماقوله ربنا يهدينا احنا وغيرنا والمسلمين جميعا

المؤمن بالله يقول...

السلام عليكم ورحمة الله وبركاته... ان هذا الموضوع مشد للغايه فيه نوع من الصراحة والحقيقة.ان كلمه عادى كلمة مضرة تسبب خطر على البشريه وعلى الاسلام اولا لانها فيها نوع من عدم الا مبالاة وعدم الاهتمام بتعمير الارض والاسلام.فان هذة حقيقة واقعة امامنا الناس كلها لاتردد سوى كلمه عادى.وانا لدى سؤال هل من الممكن ان يكون هذا الموضوع يهتم بيه احد من الناس ونحن فى زمن الفوضى وزمن الانترنت؟انه سوال مهم ونحن الان فى زمن كل شاب وكل بنت منتبهين الى الكومبيوتر والنت والفوضى وعدم الا مبالاةولا يوجد منهم اى اهتمام بيدينهم وتعمير الارض فانها كلمه تمس الواقع بالفعل لانها تعبر عن السلبيه وهى تمس جيل الواقع ونحن الان فى زمن يحتاج الى الايجابيه الدينيه فرجاء منى الرد على سوالى الذى سبق ذكره فى تعليقى...والسلام عليكم ورحمة الله وبركاته.

bnt elislam يقول...

السلام عليكم ورحمه الله وبركاته
الى المؤمن بالله
اهلا بيك فى مدونتى او مدونت الواقع زى مابقول دايما يارب تكون على طول من اصحاب لمسه للواقع
بصراحه عجبتنى اوى جملتك او بمعنى اصح سؤالك و
وهو هل من الممكن ان يكون هذا الموضوع يهتم بيه احد من الناس ونحن فى زمن الفوضى وزمن الانترنت؟
سوالك انا هرد عليه بمضوع كامل كان يدور فى ذهنى وانتظر الرد قريبا جدا وفعلا زمن الفوضى والانترنت
زمن الحب على الهوى
انتظرنى ولا تستعجل بى
لك تحياتى وتمنياتى لك ان تكون بخير
والسلام عليكم ورحمه الله ورحمته وبركاته