أهلاْ بكم فى واقعى :)

rss

السبت، أبريل 18، 2009

تلف ياستاذ...تشيشى يامدام.... هنريحك ياباشا...اتفضلى يانسه....

منغير تحفظ وبدون القاب هبدا موضوعى النهارده ان جايه ومعايا مبررات هبدا بيها قبل مقول ايه الموضوع ونا جايه اصلا اتكلم عن ايه وهنعرف ان انا النهارده جايه ومعايا قنبله تتحرك ببطء وهتنفجر فينا الحمد لله هنبداء بالمبررات :وايه يعنى اصلى بروش،دنا بشربها كل فين وفين لما ببقى مع صحابى،دنا الليله ليلتى دنا العريس مش عوزانى اروش وشرب بقلك دى ليلتى،ماهوالكل بيلف الكل بيشرب وايه يعنى،ده مش ادمان دى سيجاره مش هيحصل حاجه لما اشرب، متقليش انت الصغير انا كبير انا عندى 16 سنه ياعنى كبير منا اخويا بيشرب اهوا وابويا والكل جات عليا،متقليش انتى بنت دهونفس كل فين وفين عشان ننسى والمود يبقى حلو وفى الذيذ كداخليكى روشه تعالى يالا،دى شيشه ايه الى هيحل ياعنى بنضيع وقت وخلاص يابله.
ايه رايكم فى الكلام والمبررات الجميله دى: ايه رايكم مقنعه صح ولا عندكم اعتراض.
سيجاره بنى،سيجاره محشيه،ورق بفره، يا دماغ حلوه كميا جميله مود لذيذ هلاك فى حياتك موته بشعه او سجن مؤرف.
الشباب والبنات بقت موضه وكلنا عرفين مين الى بيشرب ومين الى مبيشربش انت او هو او انا وهى كلنا فهمين كارثه قنبله هتتفجر فينا كلنا مش الى بيشرب بس تعالى منتكلم بصراحه شويه هو او انت فكرت تجرب ليه :ايه السبب قولت على السجاير عاده دى مش ادمان وقلنا بتنازل عن صحه وعن مال وعن حب اولاد ودمار بيت ليه تلف ليه تنزل من قمتك عيب انت راجل مفكر نفسك هتبقى كدا اكثر رجول اذا كنت بتشربها عشان متفكرش فى مستقبل او عشان انسحاب من حياتك دى تبقى كارثه متستحقش كلمه راجل متستحقش انك تتحمل مسئوليه واذا كنت بتشرب عشان تتبسط فانت بتشرب عشان مزاك وبتدفع تمنه من عمرك وحياتك ومن فلوسك ومن صحتك واذا كنت عشان تبقى اكثر رجوله فاسمحلى اقولك انك مسطول على طول واذا كنت مفكر نفسك كدا انت اكثر رجوله لا ابدا والله ده انت الناس كلها عرفاك وباين عليك ومفكر انا الشيكولاته و(ده اسم وسيم منتشر بين الشباب على الحشيش )دى هتخليك كويس فى علاقتك مع المدام وان العيشه هتحلو واليله هتبقى حمره بالعكس انت بتبقى ضعيف جدا واسئلها مبينك ومبينها كدا قلها انا ببقى عامل ازاى ببقى عصبى ببقى كويس متنرفز انت كفايه عليك انها تعرف انك بتلف ده ضعف مش لاقيه كلمه اعبر بيها اكتر من كدا واذا كنت شاب تعالى انزل عند الكليات والمدارس وفى الحوارى وفى الافراح ازاى تنازل عن شبابك واوعى تقول ده مش ادمان دى تفاريح كدا اوعى تقول لانك ساعه لما بتشوف صحبك الى اداك اول مره ده هتساله: معكش حاجه كدا تحت الحساب معكش ونبقى هنشوفك برده فى مره تانيه شوفت وصلك انك تبقى متسول وشويه شويه هتشتغل وتتعب عشان توفر تمنه وممكن تحرم نفسك عشانه عشان ايه تقلق مزاكك وصلت لايه وعلى فكره الشباب كلهم بيقلوا نفس الحجج لاسرهم ونفس الاسباب لاما بيشربوا بليل ويرجعوا محدش واخد باله من حاجه لاما يشرب ويسهر بره والاستاذ ماشى دايما بالقطره ليه عشان ميتعرفش من عينه الى دايما حمره ماهو اصله حشاش لف وخد نفس ، وطبعا اول مبيصحى من النوم مبيفكرش فى حاجه غيرها والاهل عارف ويقلك ماهى فتره ميعرفش انه بيسرق اهم مرحله فى حياته بينسرق عمره وشبابه خلاص كده هتبقى راجل خلاص شربت وعملت الى انت عاوزه ولا الكارثه الكبرى البنات : الموضه دلوقتى البنت الشيك البنت المودرن انها تشيش بنت تشيش(اللهم ماسترنا احنا واولادنا وارحمنا يارب) الموضه تشيشى ياقموره النفس حلو تفاح ولا ساده لا ازاى عشان تعجب الولد الصايع وانا قاصده انى الغى كلمه راجل لانه الولد ميعرفش بنت غير كدا الا اذا كان حشاش مدمن زيوا زيها
قصدك انى مدمنه: ااااااه اقصد انك مدمنه النهارده شربتيها ساده بكره بالتفاح بعده بصمتيها بالحشيش ودفعتى بقشيش للصبى الى هناك وهو هيظبطك عشان تتمنظرى .
يالهى فى اى شرع ولا فى اى دين ولا يهوديه ولا مسيحيه ولا اسلام سمح بده انك كراجل تنازل عن عمر وحياه وشباب ودين ازاى ،ازاى انك تنازلى عن انوثتك وتشبهى بيهم زاى ،ازاى كقهوه او نادى محترم تسمح بالحشيش بس لما تاخد بقشيش محترم انا مبعملش كدا مع اى حد ازاى ازاى، كمنزل واسره بتربى ومدرسه بتعلم تسيبوا الامر يوصل لكدا ازاى ازاى، وباى قنون طفل عنده 13 سنه يمشى فى الحاره ويشرب فين الامن حتى الفرح مبقاش فرح ده غرزه والله الغرزه ارحم فين الشرطه ومش هرمى كل حاجه على الشرطه احنا فين لاما اسيب ابنى وبنتى بيشربوا ومتردش وتقول مايمكن الاب بيشرب وابنه تعلم منه هقلك ماشى غلطت الام لانها خافت لحسن تهدم بيت وهو اصلا مابنى غلط فى حاجه اسمها طلاق لما تجوزى واحد بيشرب متستنيش اهربى وارحمى اولادك معنديش كلام تانى اقوله غير انى بقول لو اخوك او اختك ابوك او امك عارف مكان حد بلغ ماتسكتش خده ووديه يتعالج ولوكان شرب لمده اسبوع بس متتناش لحد لما ينهار لو بتحبه متسكتش عليه وانت خد بالك من بنتك او ابنك وخلى بالك من تصرفاتهم والام تاخد بالها من ابنها وبنتهاوانتى لو مخطوبه لواحد كدا متستنيش وتقلى بكره هيبطل متبنيش بيتك على غلط لانه هو اصلا مش فايق عشان يربى او يشتغل انت كاب خلى بالك من اصحاب ابنك وانت لو مصاحب حد بيشرب لو بتحبه عالجه مقدرتش ابعد انت عنه بتبدا بالصحبه والله ياجماعه.
هذه القنبله حلها الوحيد ان احنا نبعدها حفاظا علينا احنا واو لادنا.

هناك 8 تعليقات:

!!--EeKaa--!! يقول...

الى اغلى حبيبة لية فى الدنيا انا بقولك ان انتى اكثر من رائعة .
بس المشكلة ان الحشيش والسجاير والكلام دة سهل على الاطفال مش الشباب انو يجبوة دلوقتى
بس للأسف لية عشان حكومة بلدك هى الى عايزة تلهى الناس فى الحشيش عشان تنسى مشاكلهم ومش كل الناس زى بعضها .
فى الى بيتغير عشان حب
وفى الى بيتغير عشان حس انو صحتو ادهورت
بس سيبك انتة احلى حب لية فى الدنيا دى
واحلى بلديااااااااااااات

!!--EeKaa--!! يقول...

الى اغلى حبيبة لية فى الدنيا انا بقولك ان انتى اكثر من رائعة .
بس المشكلة ان الحشيش والسجاير والكلام دة سهل على الاطفال مش الشباب انو يجبوة دلوقتى
بس للأسف لية عشان حكومة بلدك هى الى عايزة تلهى الناس فى الحشيش عشان تنسى مشاكلهم ومش كل الناس زى بعضها .
فى الى بيتغير عشان حب
وفى الى بيتغير عشان حس انو صحتو ادهورت
بس سيبك انتة احلى حب لية فى الدنيا دى
واحلى بلديااااااااااااات

شوشو يقول...

انا بصراحه مش عارفه اقولك ايه يابنت الاسلام موضوع فى غايه الاهميه لانه بجد مشكله عند كتير من الشباب والبنات وخصوصا اطفالنا اول ما الطفل يتعرض لتفكك أسرى بيلجأ للسجاير والكلام الفاضى اللى بيغيب العقل "عايزه اقول لثالث مره اننا لو عرفنا ديننا كويس وقربنا من ربنا وعرفناه وعرفنا قد ايه هو خايف علينا وخايف على صحتنا هنبعد عن كل حاجة بتأذى صحتنا وتعتبر السجاير حرام شرعا" عايزه اقول يارب كل واحد او كل واحده او كل طفل بيشرب الهباب ده ياريت يقرب من ربنا احسن وافضل واكيد هيكسب فى الاخره كتيييييييييييييييييييييييييييييييير ربنا يهدينا جميعا . ياريت نعمل حملات دعايه للقضاء على الادمان فى البلد عشان نقدر نعيش فى سلام ونربى اجيالنا بطريقه صحيحه شكرا على الموضوع ده لانه بجد موضع اهتمام بالنسبه للبشريه جميعا

bnt elislam يقول...

الى شوشو
شكرا حببتى انتى بجد منوره النهارده ويارب تكون مدونتى نالت حسن اعجابك وباين ان الموضوع ماثر جامد
والفكره حلوه ان احنا نعمل حملات دعايه عن الادمان ده وانا بوعدك والله لهفكر بجد باى شكل عشان نعمل حاجه ولو تبقى مجرد دعاء

HAMSET ETAB يقول...

انا بجد مش عارفه اعلق الموضوع مش محتاج تعليق عليه لانه تناول كل حاجه ربنا يهدينا ويهدي شباب المسلمين
بجد بحيكي علي الموضوع الاكثر من الرائع ويارب في تقدم دائم والي الامام

همســـــــــــ عتاب ـــــة

bnt elislam يقول...

الى همسه عتاب
دايما كدا منورانى والله
شكرا على المرور ودايما ابقى عند حظن ظنك انتى والجميع وبفضل دعواتك ليه
وربنا يهدينا جميعا
وشكرا مره تانيه

enta_hayaty يقول...

بسم الله الرحمن الرحيم الى اغلى صديقه ليا فى الدنيا ربنا يعطيكى العافيه على الموضوع الهايل ومن كلامك الحلو مش لاقيه رد غير ربنا يحمى شبابنا وبناتنا من الفساد والادمان والسلام عليكم ورحمه الله وبركاته

BNT ELISLAM يقول...

الى انت حياتى
شكرا كتير على مرورك ويارب يسترها معنا شرفتينا ونورتينا ويارب دايما