أهلاْ بكم فى واقعى :)

rss

الاثنين، مايو 31، 2010

ارجوك سبنى احلم...........!


       

السلام عليكم ورحمه الله وبركاته
احبائى فى الله 

 
النهارده دعوه منى  لكل شاب ولكل فتاه


  لكل اب وكل ام
 وسبب كتابه موضوعى  هو الاحباط الى لدى السباب ايام الامتحنات


 النهارده موضوعى عن الاحلام

 ومش احلام النوم ولكن احلام اليقظه
انا نفسى اصرخ  داخل كل انسان فينا واقول اوعى تبطل تحلم
 اوعى تسيب حلم
ارجوك اتمسك بالحلم لما تحلم وتخطط او ترضى ان اى مخلوق يهدم الحلم

 الحلم جيل النهارده كله صدقونى خايف يحلم عشان نشأنا متاكدين ان لو حلمنا هنموت مش هيكون لحلمنا وجود على الارض

 طلعنا من جيل ابآنا وامهاتناعارفين مصيرنا انه مفيش امل مفيش تحقيق لاحلام
 هتتعلم لمده 20 سنه وهتطلع وهتقعد بجوار الحائط
 هو يعنى فى شغل فى البلد
 هو فى اموال دى البلد والبلد
هو ده الى بسمعه وانت بتسمعه وهى بتسمعه و وهو بيقوله والجيل القديم والجديد كله بيتناوله
 هو فى امكانيات فى العصر ده

 فين زمان وايام زمان
 مش ذنبنا اننا طلعنا لقينا نفسنا  كرهين زمنا
  مش ذنبنا لما اتولدنا عصرنا مختلف عن الزمن  القديم والزمن الى كانت متوافره فى امكانيات كتير
 مع انى شايفه ان العصر ده هو عصر الاختراعات والامكانيات
 ياجماعه اوعى حد يبطل يحلم  لو بطلنا نحلم هنموت
 اوعى تخلى ايامك كلها زى بعضها ومش فارفقه معاك وبتعيش حياتك  احلم عشان تحقق
 خلى ليك هدف عشان يكون فى تحدى 
ومن التحدى هيكون فى الحقيقه
 والله لو بطلنا نحلم نموووووووووووووووووووووووووت
والله هنموووووووووووووووووووووووووووووووووت
اكتر جيل العصر ماتحطم لانه مش بيحلم شباب بيضيع عمرها تحت بنود وجمل قديمه سمعناها
مفيش شغل التعليم زى قلته 

صدقنى على لما تحلم هتجتهد 
 والله لايضيع اجر من احسن عملا
 اعمل الى عليك
مش مقضى ايامك وخلاص
 اوعى تقول هو ده عصر بنحلم فيه
 هو فى حلم بيتحقق 
اه فى ولو حد حاول يموت حلم  ولو سيبته يهدم الحلم يبقى تستاهل
 ان حلم يتهدم لانك متمسكتش بيه 
 اعمل الى عليك
ولا يكلف الله نفسا الاوسعها

 بس نحلم ونعمل
 لو طالب احلم انك تنجح واللى عليك انك تذاكر 
ولو شاب
 وبتحلم بشغل فكر واعمل باللى تعلمته
 واقصد من كلامى اوعى تحلم على الهوى لان الهوى  لم يثبت
  لما تفكر تحلم:  احلم على اساس على الامكانيات الى موجوده وابداء من الصفر اوعى تستعجل

 لان اللى بيبداء بسرعه بينتهى بسرعه
  وزى ماقولنا لا يكلف الله نفسا الاوسعها
 بس المهم تحلم وتعمل على تحقيق حلمك

  الصوره الحمام الى فوق دى  اتمنى نكون زيها
نرفض القيود
ونبداء نحلم عشان نكون احسن
الحمام أول مابداء يطير وقف على الارض وبدا يطير وقف على الاساس وحقق حريته وبدا فى مرحله طيرانه


 ياريت نتعلم منه

  رجاء لكل اب ولكل ام بطل تهدم حلم ابنك بالعكس حفز نفسك وحفز ابنك
 لو بتحلم ان مستقبله يكون افضل منك اوعى تقتله سيبه يحلم عشان يقدر يعيش

 كميه االشباب اللى على القهاوى   وبطلت تحلم وعايشه على فرصه وحلم وهى تساعد فيه حتى الحلم هما مش قدرين يحلموا
 انا بعتبرهم مش عايشين


 لو بتحب ابنك  كأب او ام
 حاول تنمى احلام ابنك وساعده انه يتخيل ويحلم

 آخر كلامى:
 لو بطلت تحلم اكيد هتموت


 وخير الختام الصلاه والسلام على اشرف خلق الله سيدنا محمد عليه افصل الصلاه والسلام


هناك 6 تعليقات:

BNT ELISLAM يقول...

اول شىء انا حبيت اعلق واقول انا من اوائل الناس الىنفسها تحفر فى الصخر تحلم وتحقق يكون ليه هدف
ثانيا بقول كل الى هيدخل يارت يقولنا شىء ايجابى لو حلم حقه او هدف صبر عليه وانجزه
ولو نفسه يحلم فىشىء وحد يشاركه
يقول وحنا على اد مانقدر هنساعده ونشجعه
ثالثا بعتذى عن تاخير عن نزول مواضيع وشكرا لكل حد سال عن تاخير على رسائل الهوتميل وبكرر اعتزارى تانى عن تاخر مواضيعى والله لدخول امتحناتى ارجكوم تعذرونى الفتره القادمه

اختكم فى الله هدير فوزى

شوشو يقول...

السلام عليكم ورحمه الله وبركاته

اولا اشكرك على الانجاز فى مواضيعك بجد انا نفسى اتمسك بحلمى اللى بحلمه دلوقتى وانا فعلا والله بتمنى من ربنا انه يوفقنى فى حياتى مع الانسان اللى مش هقدر اعيش غير معاه بجد محتاجه ان كل انسان وانسانه يدعولى ان احقق حلمى وانجح كمان فى امتحاناتى وبابا وماما يفتخروا بيا

شــوشــــــــو

همســـــــ عتاب ـــــــــــة يقول...

بسم الله الرحمن الرحيم

في البدايه احب اشكرك علي تفاعلك مع الشباب تقديمك مواضيع اكثر ايجابيه من حيث المضمون والشكل،،،،

بالنسبه للموضوع حقيقي صدقتي في كل كلمه اغلبيه شبابنا اليومين دول متملك منهم يأس غير عادي محبط نفسيا وماديا ولكن ده رواسب لتربيه غلط وسلوك غلط من الاب والام فعلا هما اساس المجتمع باديهم يرقي وباديهم يتاخر
اذا نمي كل اب وام في نفس ابنه طموح وحلم من صغره ومهدله الدوافع اللي تساعده في تحقيق حلمه اكيد هيكبر عنده هدف واكيد بتختلف علي حسب كل حلم
بمعني في اسره تنمي في اطفالها انه يطلع دكتور او مهندس او مدرس
وفي اسره تمني ابنها يطلع حرامي او نصاب ......الخ
المهم ياشباب الحلم مش وحش ومش صعب لكن الصعب تنفيذه لكن مع الاراده تزول اي عقبات فعلا لو بطلنا نحلم هنعيش ميتين مفيش هدف مفيش اصرار مفيش عزيمه انك توصل للحاجه اللي بتحلم لامش كدا وبس دانت ممكن تلاقي الحاجه اللي اتمنيتها حياتك كلها راحت لغيرك لانه اجتهد وعرف يوصلها لكن انت فضلت واقف محلك سر
باختصار اي شاب بيعلق فشله علي شماعة المجتمع والظروف يبقي غلطان لان الانسان هو اللي بيصنع الظروف مفيش ظروف بتصنع انسان ابدا حاول تفوق لنفسك اسال نفسك سؤال انا ليه مبخدش خطوه لقدام؟ ليه دايما برجع لورا؟ حاول تجاوب يمكن تعرف تاخد خطره لقدام

بجد بشكرك علي الموضوع الجميل ده يارب توصلي لحلمك وكلنا نقدر نحقق احلامنا

محمود(باحث عن حب) يقول...

مات الحلم
وقتلوه
جوانا

بصى
نفسى احلم ومش بعرف احلم علشان متعلمتش الحلم


موضوع جميل
صلى على النبى
بأحلم
اكفى نفسى ومحتاجش لحد غيره سبحانه
واسدد ديون اى واحد معثر
وابنى بيت لكل فقير
واشغل كل شاب عاطل
وازوج كل فتاه مش عارفه تتزوج من الظروف
واكفل اليتيم
ومرضى السرطان والكبد
والربو
والقلب المفتوح

نفسى اعمل مستشفى
خاصه بالشلل وقرح الفراش


حلمى الواقعى ان شاء الله
انجح هذا العام
والعام القادم بكاريليوس
ان شاء الله

كورس انجلش محترم
وكورس فى الاتصالات اللى نفسى اخده من زمان
ان شاء الله
وحلم يجيب حلم ان شاء الله

mrmr يقول...

الحلم شئ جميل
المهم نعرف نحلم صح
نحلم بشئ نقدر نحققه
لكن نحلم بالمستحيل ده خياااااال
حلمى انا شخصيا مش صعب بقدر ما هو يعتبر امنيات
يارب يارب تتحقق لكى نعيش حياه افضل

love_for_ever يقول...

المدونه وحشتنى وصاحبتها كمان لانى غبت فترة طويله عنها الموضوع جميل وكل يوم بتكبرى فى نظرى اكتر واكتر وربنا يخليكى ليا..... فعلا الحلم شئ جميل لانك لو بطلت تحلم تبقى لازم تموت مفيش حياة من غير حلم حتى لو عارف انك مش هتحققه بس تبقى حاولت او ليك هدف نفسك تحققه او بتحلم بيه وتتمنى ان ربنا يساعدك انك تحققه تبقى نولت شرف المحاوله ومتيأسش لو حلمت بحاجه ومش حققتها حاول مرة واتنين واحمد ربنا على اللى قدره ليك انا لما حلمت بحاجه ومش اتحققت يأست وحسيت ان كل حاجه وحشه والدنيا اسودت فى وشى لكن مفيش حياه من غير امل من غير محاوله ومن غير هدف ومن غير طموح صبرت وحاولت قلت يارب ساعدنى احقق اللى نفسى فيه بس يكون فى رضاك لحد مانولت بتمنى انك كل شاب او بنت ميبطلش يحلم طول ما هو عايش لسه فى امل فى الحياة ربنا خلقنا عشان نتعب ونفكر ونشتغل بس الاهم يكون فى رضى المولى عز وجل.....